KPK 234.

 ALLAH TUMEDHAK MANJALMA

1. Allah ngesorken srira wit nglabuhi jalma

    manungsa tan waluya ngendelken dhirinya

    mung karana tresna gesang tentrem raharja 

    tyang lepat tinuntun tobat sranaden apura.

2. Allah tedhak manjalma wit gung ing sih tresna

    ngrukunken pra manungsa klayan sariranya

    mung tyang wani ngalah luhur bebudenira

    tyang kang remen karukunan sinihan Pangeran.

3. Allah ngurbanken srira wit gung ing sih rahmat

    nimbali pra tyang dosa mrih samya mratobat

    nggih remen kraharjan nyegah kadurakan

    wah nyirik mring kekerasan ngegungken kawlasan.

Read More

KPK 235.

SANG RATU ADIL SEJATI WUS PRAPTI

1. Sang Ratu Adil sejati

    samangkya sestu wus prapti

    maringken tentrem raharja 

    tumrah mring sagung manungsa.

2. Nebus manungsa sing dosa 

    paring kasucening driya 

    mrih samya tresna-tinresnan 

    nebihana memengsahan.

3. Nyirnakken dayaning pati 

    wah malih nganyarken budi 

    mrih adil bebener yekti 

    den udi kang trusing ati.

4. Ngluberken gunging sih rahmat 

    nuntun tyang dosa mratobat 

    mrih salir tyang ingurmatan 

    cundhuk klayan kamanungsan

Read More

KPK 236.

ALLAH NUNGGIL MRING JALMI

1. Bayi kang tanpa kamulyan ginedhong neng pamakanan,

    nging yeku Gustining pra gusti manjalma sung gesang yekti,

Reff :

Tansah pinuja Allah Mamulya kang ngasihi pra manungsa

tentrem raharja tumrah neng donya wit sang Pamarta wus prapta.

 

2. Tyang kang ngantya kaslametan winartan wartos kabegjan 

    pangluwaran sing rehing dosa srana nampi Sang Pamarta 

Reff :

Tansah pinuja Allah Mamulya kang ngasihi pra manungsa

tentrem raharja tumrah neng donya wit sang Pamarta wus prapta.

3. Tyang asor dalah tyang luhur sung pisungsung tandha sokur 

    mring ratuning swargi kang prapti yeku Sang Juru Basuki 

Reff :

Tansah pinuja Allah Mamulya kang ngasihi pra manungsa

tentrem raharja tumrah neng donya wit sang Pamarta wus prapta.

4. Yogya kula nggih memuji methukken rawuhing Gusti

    mbikak manah mrih sinucekken temah manggih gesang langgeng 

Reff :

Tansah pinuja Allah Mamulya kang ngasihi pra manungsa

tentrem raharja tumrah neng donya wit sang Pamarta wus prapta.

Read More

KPK 237.

WIYOSIPUN GUSTI

1. Hosiana Gustiku rawuh saking ngaluhur

    Hosiana Gustiku rawuh saking ngaluhur

    Pra manungsa sajagad den paringi sih rahmat

    gedhe cilik tan kliwatan payo muji Pangeran.

2. Hosiana Gustiku rawuh saking ngaluhur

    Hosiana Gustiku rawuh saking ngaluhur 

    pra manungsa sadonya samya ingereh dosa 

    samangkya sinung apura wit Sang Kristus wus prapta.

3. Hosiana Gustiku rawuh saking ngaluhur

    Hosiana Gustiku rawuh saking ngaluhur 

    pra manungsa sabumi samya winengku pati 

    samangkya sinung basuki dening sang Kristus Gusti.

Read More

KPK 238.

GLORIA KONJUK HYANG MAHA LUHUR

1. Sing saindenging bawana ngumandhang kidung puja,

    methukken mring Sang Pamarta, kang manjalma neng donya

    Gloria Allah Maha mulya  Gloria Allah Maha mulya

2. Pujining kasukan nyata, pangluwaran sing dosa, 

    tentrem raharja neng bumi wit Sang Pamarta prapti, 

    Gloria Allah Mahamulya, Gloria Allah Mahamulya.

3. Kidung panggunggung mring Gusti, kang gung ing sih piwlasnya, 

    de rawuhnya tan ngadili nging nylametken manungsa, 

    Gloria Allah Mahamulya, Gloria Allah Mahamulya.

Read More