• Logo Restsindo

    Bentuk dan warna dari logo restsindo, logo tersebut adalah hak milik kami.

  • Rohani

    Hasil olah rasa dan pergumulan kami tentang hidup dan kehidupan

  • Bisnis

    Analisa Pasar Uang dalam Forex, analisa teknikal dan analisa fundamental.

  • Kritikan

    Kritikan memang pedas, tapi jangan lupa kita perlu kritik yang membangun. Kritik yang disampaikan pada waktu dan tempat yang tepat lebih bermanfaat.

Anda dapat mendownload Lirik KJ LENGKAP DAN KPJ LENGKAP UNTUK EASYWORSHIP ( Klik disini )

361. ING SAJAGAD WARATA

361. ING SAJAGAD WARATA
( Kidung Pasamuwan Jawi )

Ing sajagad warata karoban ing sihe,
nging wong tan bisa ngulu kang amaring ake,
wit daleme aneng swarga, lenggah neng tengening Rama.

2. Gusti tansah nuweni, mberkahi pra bocah
   kang tansah ngabekti, jrih- asih mring Allah.
   Ing wayah rina lan wengi, denreksa saka bilai
 
3. Ing wayah awan, Gusti paring pagawean;
   nuli ing wayah bengi, paring pangasoan
   Mula kanca ja supe, payo ngluhurna asmane.
Share:

362. ING SATENGAHING BEBRAYAN AGUNG

362. ING SATENGAHING BEBRAYAN AGUNG
( Kidung Pasamuwan Jawi )

Ing satengah ing bebrayan agung,
mung Pangeran pantes ginunggung Rahmat nya binabarken
warata, rumentah mring titah sadaya.

Reff. Den tansah ndedonga lan makarya,
      mrih kababaring tentrem raharja.
 Nggih gesang memitran wah pasedherekan,
 wit tyang sadaya tresna tineresnan.

2. Nadyan beda basa sese bangsa,
   wah beda adat - budayanya,
   nging saestu punika sesami,
   kang kinasihan dening Gusti.
   Reff...
 
3. Sadaya datan pantes gumunggung,
   anggongasken dhiri kumlungkung;
   prayogi tansah lembah ing manah,
   ngrumaosi jejering titah.
   reff.....
 
Share:

363. KATHAH TYANG KANG REBATAN

363. KATHAH TYANG KANG REBATAN
( Kidung Pasamuwan Jawi )

Kathah tyang kang rebatan drajad lan kamulyan.
nggih sami kami tegan, ngurbanken mring liyan.
Nanging tiyang kang pracaya ngengeti sesami;
panjang kakaudianut pangreh ing Gusti,

2. Kathan tyang kang rebatan saliring pangwasa
   silih damel sangsara, nyenyebar cintraka.
   Nanging tiyang kang pracaya mbabar sih wilasa;
   ngambah margining Allah, anglantarken berkah.
 
3. Kathan tyang kang rebatan bandha, raja - brana,
   srana damel panyiksa miwah raja pati.
   Nanging tiyang kang pracaya, mung mbabarken tresna;
   punapa kang dinarbe, kinarya nulungi.  
Share:

364. KAYA MANUK AGIRANG

364. KAYA MANUK AGIRANG
( Kidung Pasamuwan Jawi )

Kaya manuk agirang muji neng kekayon;
ya mangkono pujine bocah kan krahayon.

2. Kang maluhur tan supe paring sabutuhku;
   saben dinane nampi ganjaranku
 
3. Wayah esuk yen surya nethongol neng wetan,
   aku ditangekake klawan kabungahan
 
4. Wayah sore yen aku saka pagawean,
   Gustiku paring ngasi klawan kaayeman.
 
5. O, saiba tresnane Allah marang kita,
   mula aku ya tresna maring Hyang Makwasa.
Share:

365. MANAH KULA BINGAR

365. MANAH KULA BINGAR
( Kidung Pasamuwan Jawi )

Manah kula bingar lir pendah paksi,
ingkang ngenggareng garneng epang ing wit.
Tansah wira wiri, colat colote,
sarwi ambadhungi ing pangidunge.

2. Swarane barungan laras sayektos,
   mawi asauran gantos - gumantos
   rame awurahan mabur - mabure,
   lan embyak - embyakan ing kekejere.
 
3. Apik busanane kathah pasrene,
   manca warna lare radin klimise.
   Resik mulus tansah, langkung tlatose,
   nggone abebingah ing padusane.
 
4. Allah kang ngrimati pra peksi samya,
   inggih anopeni mring jasad kula.
   Kula nggih bebingah sarwi ngrerepi,
   sakeca ing manah ngungkuli peksi.
Share:

366. MENAWA DUDU YEHUWAH

366. MENAWA DUDU YEHUWAH
( Kidung Pasamuwan Jawi )

Menawa dudu Yehuwah kang ayasa omah ira,
mesthi tansah tanpa gawe pagaweaning tukange.

2. Menawa dudu Yehuwah kang ngreksa marang nagara,
   para kemit tanpa gawe ngone jaga gapurane.
 
3. Tanpa gawe tangi turu isih esuk umun - umun,
   nadyan jaga nganti bengi iku ya tan maedahi.
 
4. Tanpa gawe nggonmu mangan pametuning kasusahan,
   yen dudu Allah Makwasa kang karsa tulung mring sira.
Share:

367. ORA ET LABORA

367. ORA ET LABORA
( Kidung Pasamuwan Jawi )

Ora et labora, ngengonga maarya,
yeku sesantining sagung tyang pracaya;
rumagang makarya, ngudi tentrem raharja.
ORa et labira, ndedonga makarya.

2. Ora et labora, ndedonga makarya,
   rumagang ing karya tan kanthi pandonga,
   datan migunani nggugu karseng pribadi.
   Ora et labora, ndedonga makarya.
 
3. Ora et labora, ndedonga makarya,
   taberi ndedonga ning sepi ing karya,
   mati imanira, saestu tanpa guna.
   Ora et labora, ndedonga makarya.
 
4. Ora et labora, ndedonga makarya,
   kekalihnya bareng katindakna;
   di lembah ing ati, setya nggennya makarti.
   Ora et labora, ndedonga makarya.
Share:

368. RUKUN AGAWE SANTOSA

368. RUKUN AGAWE SANTOSA
( Kidung Pasamuwan Jawi )

Rukun agawe santosa,
sayu rukun bebarengan mbangun praja.
Rukun agawe santosa,
gotong royong ing bebrayan saben dina.
Rukun agawe santosa,
kakung putri, wredha mudha tanpa beda.
Rukun agawe santosa,
kasunyatan aneng donya warna warna.
Aja adigang, adigung, adiguna !
Dumeh darbe pangkat, drajad, lan kapinteran.
kabeh iku becik padha digunakke.
kanggo muji kaluhuran e Pangeran.
Rukun agawe santosa, Bhineka Tunggal Ika iku wujudna !
Payo padha asesan tya:
Rukun agawe santosa.
Share:

369. TETIYANG KANG ADIGANG

369. TETIYANG KANG ADIGANG
( Kidung Pasamuwan Jawi )

Tetiyang kang adigang mung nyebar panandhang.
Wa teknya sami tegel, nindhes mring sanes tyang.
Pituwasnya bebendu bramantyaning Gusti.
Nging tyang tresna satuhu, gesang yekti,
nging tyang tresna satuhu, gesang yekti.

2. Tetiyang kang adigung mung nandur sangsara.
   Remen umuk, gumunggug, ngina mring pepadha.
   Mesthi ngundhuh antaka, wit adiling Allah.
   Nging tyang kang lembah- manah sinung berkah ( x 2 )

3. Tetiyang adiguna mung ndhedher cilaka,
   nganggep Allah tan ana, sabdanya mung nglaha.
   Mung panen karisakan, dukaning pangeran.
   Nging tyang ering mring Allah, kinasihan ( x 2 )

4. Tyang kang ngendelken dhiri, mung ngundhuh bilai.  
   Tansah ngumbar pikajeng, tan ngetang sesami.
   Gesang jroning pepeteng, pikolehnya pati.
   Karaharjan kang langgeng mung ing Gusti ( x 2 )
Share:

370. TRESNA MRING SESAMI

370. TRESNA MRING SESAMI
( Kidung Pasamuwan Jawi )

Tresna mring sesami kang trusing manah,
wit salir sesami citreng Allah;
yeku wujud ira tresna mring negari,
ngabuh i mring bangsa, mrih lestari.

2. Tresna mring sesami tan mawang tiyang;
   nulad sihing Gusti murbeng gesang.
   Ngudi dhemokrasi klayan trusing ati,
   bedaning asanes denaosi.
 
3. Trsna mring sesami tumindak nyata,
   mrih tresnaning Gusti tumrah wrata.
   Hak asasi manungsa binabar yekti,
   adil wah bebener den belani.
Share:

371. AJA DUWE PANDUGA- PANYAKRABAWA !

371. AJA DUWE PANDUGA- PANYAKRABAWA !
( Kidung Pasamuwan Jawi )

Aja duwe panduga panyakrabawa
marang sapadha - padha !
Aja mung nyawang rupa busana,
uga kasarmanis ing wicara !
Aja gampang nacad, maido, moyoki
marang kang katon ala !
Aja gampang kasengsem ing ati
marang kang katon endah ing rupa !
Dingati ati ! Dingati ati !
darbea pamikir positip wicaksana !
Dingati ati Dingati ati !
Murih tentrem raharja !
Share:

372. AKU SASEDULUR

372. AKU SASEDULUR
( Kidung Pasamuwan Jawi )

Aku sasedulur suteng Pangeran,
nangendi dunungku, gandhengan tangan.
Ing sasolah tingkah nelak ake tansah
aku sasedulur suteng Pangeran.
Share:

373. APA KOWE BISA NGETUNG

373. APA KOWE BISA NGETUNG
( Kidung Pasamuwan Jawi )

Apa kowe bisa ngetung lintang kang neng angkasa ?
Mangkono uga mring mendhung dalah sakehing mega ?
Kabeh iku nut pangrehe Pangeran kang nitahake,
ora ana siji bae kang uwal king astane.

2. Apa kowe wruh cacahe lemud - lemud ing njaba ?
   Apa kowe wruh wernane iwak jroning sagara ?
   Kabeh iku saben dina deningoni Hyang Makwasa;
   ora ana siji bae kang kliwatan takere.
 
3. Apa kowe weruh bocah kang atresna mring Gusti ?
   Saben dina mesthi tansah tumenga saos bekti.
   Marang bocah kang ngibadah saben dina muji Allah,
   Gusti mesthi datan kendhat amaringi sih-rahmat !
Share:

374. DEN ULUKNA KLWAWAN GIRANG

374. DEN ULUKNA KLWAWAN GIRANG
( Kidung Pasamuwan Jawi )

Den ulukna klawan girang, kidung ira kaneman,
wanci bingar ing ngaurip, wanci ngudi gesangtertib,
gesang kebak kasukan ! Gesang kebak kasukan.

2. Datan wonten kabingahan angungkuli kaneman;
   badan kiyat wah prakosa, dalem manah ngarsa - arsa,
   gesang kang badhe prapti, gesang kang badhe prapti.
Share:

375. DHUH GUSTI, PANGAYOMAN KAWULA

375. DHUH GUSTI, PANGAYOMAN KAWULA
( Kidung Pasamuwan Jawi )

Dhuh Gusti, pangayoman kawula.
wiwit anem kawula, dados tameng rumeksa;
wiwit wonten kandhutan, etuking sih nugraha.

Reff. sampun tinegakken ngantos sepuh kawula,
      Gusti; sampun tinilar kala badan sangsaya ringkih,
 dimen kawula mboten inginasar datan nalangsa,
 krana Paduka pangayoman kawula.

2. Dhuh Gusti, pangayoman kawula,
   Paduka trus pinuji, tan kendhat saben wanci
   Jer pakaryan Paduka sawendah wah prayogi.
   Reff......

3. Dhuh Gusti, kawula dhinawuhan
   wiwit alit kawula ngantos mabluking uwan,
   mundhi dhawuh Paduka ngundhangken sih-katesnan
   Reff......
Share:

376. KACANG MANGSA NINGGALA LANJARAN

376. KACANG MANGSA NINGGALA LANJARAN
( Kidung Pasamuwan Jawi )

Kacang mangsa ninggala lanjaran, yen kang aran saloka.
Lanjaran mono dadya rambatan, si kacang mrono mrambatnya.
Werdinya pemimpin lan wong tuwa, den samnya asung tuladha.
Lir Gusti Yesus paring tuladha marang pra kang pracaya.

2. Lamun pemimpin angumbar napsu,
   wong tuwa, tindaknya kliru,
   samnya nguja karsane pribadi,
   rakyat ngrasa dicontoni.
   Sadonya padha nampa warisan
   jagad bur tanpa kukuban.
   Tan beda kaya Sodom Gomora
   kalebur dening Pangeran.

3. Mula di eling lawan waspada,
   kang ngrasa dadi wong tuwa;
   watak satriya samya den esthi;
   wedi wirang wani mati.
   Urip tentrem dadia idhaman
   ing donya dugeng delahan;
   ndherek Gusti di tanpa reringa
   ing lair trusing batinnya.
Share:

377. KALEGANING ATINE WONG TUWA

377. KALEGANING ATINE WONG TUWA
( Kidung Pasamuwan Jawi )

Kaleganing atine wong tuwa, lamun nyawang putra wayahira,
de samnya rukun manunggal budi.
Pepindhane para among tani, ndulu taneman ira samnya ngrebda,
panenan ira lir robing samodra.

Reff. Pinujia Gusti Kang Mamulya;
      kang dadi sumbering berkahnya.
 Pinujia Gusti Kang Mamulya;
 kang dadi sumbering berkahnya.

2.Lir bakul,daganganira laris; bebathenira agung winilis;
  dhasar neng pinggir ratan kang gedhe;
  bakule blater, murah eseme;
  kang tuku padha teka mbanyu - mili;
  rewange kongsi sayah angladeni
  Reff........

3. Saiba bombang marem atiku; anak - putu padha sabiyantu;
   yen bungah bareng padha kasukan,
   lamun susah sinangga barengan.
   Uripe ayem tentrem, guyun- rukun;
   tan kendhat dennya ngaturke panuwun
   Reff.....
 
Share:

378. KAWULA PARA ABDI KASEPUHAN

378. KAWULA PARA ABDI KASEPUHAN
( Kidung Pasamuwan Jawi )

Kawula para abdi kasepuhan muji sokur wit tansah binerkahan.
Wiwit anem ngantos sepuh kawula, datan kendhat dennya nampi nugraha.
Mugi gesang kawula miguna, lan dadya dilah wah sareming bumi.

2. Sumangga sisaning gesang kawula,
   kaagema manut pangreh Paduka.
   Anak - putu tebiha sing belai ;
   wit gesang tansah tinunggil Gusti.
   Sami guyub- rukuna, tansah tresna - tinresnan
   sumarah maring Pangeran.

3. Mugi Gusti, pangayoman kula,
   pra manungsa samya kadhawuhana
   anilingna mring sabdaning Pangeran,
   tuhu tegen dennya ulah katrsnan,
   drapon pra umat sami den tansah kinanthia
   samangkya wah sapengkernya.
Share:

379. LAH AKU BOCAH RAHAYU

379. LAH AKU BOCAH RAHAYU
( Kidung Pasamuwan Jawi )

Lah aku bocah rahayu, aku kudu ngidung,
" Duwe omah lan wong tuwa, sadulur lan mitra.
Ngarah apa maneh aku ? Aku bocah kang rahayu

2. Lah aku bocah rahayu, saiba begjaku.
   De badanku bagas- waras, lan atiku enggar
   Wong tuwa ngopeni aku; aku bocah kang rahayu

3. Lah aku bocah rahayu, saiba bungahku.
   Saben - saben dina aku nampani piwuruk
   saka wong tuwa lan guru. Lah aku bocah rahayu.

4. Ya, aku bocah rahayu, banget panuwunku
   mring Allah, kang amarengi aku angrerepi,
   " Ngarah apa maneh aku, de aku bocah rahayu "
Share:

380. MARA KANCA - MUDHA KRISTEN

380. MARA KANCA - MUDHA KRISTEN
( Kidung Pasamuwan Jawi )

Mara kanca mudha Kristen aywa sira alepyan,
agung tetanggungan adi peparing e Pangeran;
payo kanca nunggil ati, nunggil budi myang esthi:
Rukun akaryan santosa, muang giyat tandang kita.

Reff. Iba endahnya, lamun pramudha,
      sayuk sekakap tinambut ing kardi,
 amrih luhure, tanah bangsane,
 ing dalem asmane Yesus Njeng Gusti.

2. Mara maju sadayane krana Injil satiti !
   Wani sara sakatoge kanggo kratone Gusti !
   Prabot pedhanging pangonga, myang tamenging pracaya
   sinabukan karahayon ! Gusti pangungsen tanggon !
   Reff........
Share:

381. NALIKANE CILIKANKU

381. NALIKANE CILIKANKU
( Kidung Pasamuwan Jawi )

Nalikane cilikanku, kepati senengku;
tan nate ana pasambat, bungah ku tan kendhat.
Sorene sawis e sepi, ibuku memuji,
ing pandonga kang ingatur, jeneng ku sinebut.

Reff. Pandongane ibu anyebut jenengku;
      ing pandongane ibuku tansah anyebut jengku.

2. Aku sangsaya kelingan, jroning kasusahan,
   yen urip lagi cilaka, atiku nalangsa;
   sakal eling mring ibuku kang sujud manengku;
   ing batinku trus keprungu, anyebut jenengku
   Reff........
 
3. Lamun atiku pribadi, iku kang dakanut,
   aruming sabdane Gusti, kudune dakturut;
   nalika urip sangsara, ngadhepi rebeda,
   eling pandongane ibu anyebut jenengku.
   Reff........

4. Sawusnya ibu tan ana, wit sowan Sang Rama,
   nanging dhawuhe mring aku, kang tansah dakgugu.
   Mbesuk ing kana tinemu, barengan sumungku ;
   pamujine kang dakrungu, anyebut jenengku.
   Reff........
Share:

382. PAYO KANCA PADHA BUDHAL

382. PAYO KANCA PADHA BUDHAL
( Kidung Pasamuwan Jawi )

payo kanca padha budhal menyang ing pamulangan,
dyan aka kita kasingsal neng kaman kamajuan !
Sapa kang seneng anglanthung bakal dadi wong punggung !
Mula payo mesu dhiri sinau ngulir budi !

2. Mumpung kita isih anom nglari sanguning urip !
   Sangu kang tan bisa kalong: budi padhang atertib.
   Ja pisan kita keduwung lamun krepotan: bingung.
   Nging karana budi padhang, datan bingung, tan sumlang.
Share:

383. PEPACANGAN KANG PRAYOGI

383. PEPACANGAN KANG PRAYOGI
( Kidung Pasamuwan Jawi )

Pepacangan kang prayogi miturut karsa ne Gusti,
linandhesan ing katresnan miwah setya ing prasetyan.
Ali ali kang liniru pratandha katresnan jati;
datan wonten pungkasannya ngantos dumugeng delahan.

Reff. Mugi Gusti tansah angreksa sadherek kekalih punika
      nggennya sami pepacangan; tresnanya trus ing wardaya.

2. Ing salampahnya sageda nuladha tyang kang piniji
   dening Allah Kang Masuci; tumemen nggennya ngabekti.
   Mboten purun nyulayani, sarak awisane Gusti,
   wit tansah sami ngugemi maknaning ningkah kang suci.
   Reff.....  
Share:

384. RAHAYU KANG MLARAT ING BUDI

384. RAHAYU KANG MLARAT ING BUDI
( Kidung Pasamuwan Jawi )

Rahayu kang mlarat ing budi, wit darbe kraton swargi
Rahayu kang perih ing ati, wit panglipur tamtu tinampi.
Mangkono sabdaning Guru, dhawuh ing punthuk ardi.
Prayoga den pituhu kanthi kanthi tulusing ati ( 2 x )

2. Rahayu kang alus ing budi, nampa warisan bumi.
   kalamun ngorong kasampurnan, iki kang bakal katuwukan.
   Reff....

3. Rahayu kang ambek - welasan, padha antuk piwelas.
   Rahayu kang resik atine, bakal sumurup mring Allahe
   Reff.....

4. Rahayu kang ngrukunken pepadha, kasebut putreng Rama.
   Wong kang bener nanging siniya, iku nduweni kraton swarga.
   Reff......

5. Rahayu wong kang diwewada, dipitnah krana Aku.
   Di bungah sarta suka- rena, gedhe ganjarane Ramamu.
   Reff......
Share:

385. SRENGENGE NYUNAR

385. SRENGENGE NYUNAR
( Kidung Pasamuwan Jawi )

Srengenge nyunar kanthi mulya;
manuk e ngoceh klawan rena;
angine midit ana ing wiwitan;
kewane bebungah ing pasuketan.
Kabeh padha muji Allah kang loma;
kabeh padha muji Allah kang loma.
Share:

386. WEKINGKU MRING ANAK-PUTU

386. WEKINGKU MRING ANAK-PUTU
( Kidung Pasamuwan Jawi )

welingku mring anak putu, "Di padha sregep sinau ! "
Iku kang mingangka srana darbe watak kang prawira.

Reff. Aja tansah mandheg mangu !
      Gusti kang nuntun lakumu

2. Urip datan kanggo mangan, nging mangan kang kanggo urip.
   Singkirna watak brangasan ! Aluwung sinau tertib
   Reff.....

3. Rukuna padha sadulur, tan panten dhemen sulaya.
   Ala watake wong udur; becike akeh ngalaha !
   Reff....
Share:

387. SAMPUN DUGI WANCINIPUN

387. SAMPUN DUGI WANCINIPUN
( Kidung Pasamuwan Jawi )

Sampun dugi wanginipun mungkasi sagung pakaryan;
ingkang dipun tindakaken wonten ing pasamuwan.
Nadyan kathah karibedan wah cobaning paladosan.
Nging Gusti paring kekyatan, lestantun dugeng wakasan

Reff.
   kawula ngaturken, " Sugeng Emeritus ", Bapa Pandhita ! "
   Mugi Gusti tansah nganthi lan mberkahi slaminya.
   Saklangkung panuwun kula, wit sampun kaladisan.
   Pangen Agung paring ganjaran, " Makuthaning kamulyan ! "

2. Timbalan pandhita yeku sestu timbalan kang mulya,
   Wit Gusti kang ngersakaken kinen ngengen mendanya :
   Yeku patunggilanipun tyang pitados dhateng Gusti.
   Imanipun kabangunana, tulusa nggennya ngabekti.
 
   Reff.....
Share:

388. TIMBALAN PANDHITA

388. TIMBALAN PANDHITA
( Kidung Pasamuwan Jawi )

Timbalan pandhita punika, timbalanipun Gusti,
dados pandhitaning pasamuwan, nggih abdining Gusti,
ngemban dhawuhe Gusti Yesus martosken Injil suci,
dimen sadaya tyang pitados manggih kawilujengan.
Reff.
  Sugeng ngladosi Gusti, sdherek kula ! Nindakken pakaryan mulya.
  Mugi Gusti karsa anganthi srana kwaosaning Roh Suci
  Klayan manah tansah bingah anggennya ngladosi;
  nindakken pakaryan e Gusti datan wonten kang nglaha.

2. Ing dinten kang endah punika, sestu sampun sumadya
   dados pandhitaning pasamuwan, ngih abdining Gusti.
   Pra pandhita samnya mberkahi klayan manah nyawiji.
   Sadayanya dados pratandha, yen sampun kawisudha
   Reff....
Share:

389. GANTOSING WULAN LAN WARSI

389. GANTOSING WULAN LAN WARSI
( Kidung Pawamuwan Jawi )

Gantoing wulan lan warsi, sung berkah enggal sing Gusti,
yogya kula samnya loma, misungsung kang trusing driya

2. Gantosing wulan lan warsi,
   nambahi kabegjan yekti,
   tan wonten pisungsung nyata,
   mung gesang ing sawetahnya.

3. Gantosing wulan lan warsa
   sung panjanging umur kula,
   sayogya sengkut makarya,
   mrih pasamuwan ngrembaka
Share:

390. GUNAKNA WEKTUMU PARINGE GUSTI

390. GUNAKNA WEKTUMU PARINGE GUSTI
( Kidung Pasamuwan Jawi )

Gunakna wektumu paringe Gusti, wit uripmu cekak pindha kembang.
Endi barang langgeng ing donya iki, amung katresnan ywa nganti ilang.

Reff. Barang kang ana, isining donya;
      sagunging kang endah bakal musna.
 Mung katrsnan mu demi Sang Pamarta,
 gedhe ajine tan bakal sirna.

2. Aja tan migunak ake wektumu,
   lipur lan tulungen kang kesasar.
   Mulyakna Gusti ana ing uripmu,
   dimen lampumu tansah sumunar
   Reff.....

3. Pakaryanmu kang demi Yesus Kristus
   bakal tinampi klayan karenan.
   Katresnan kang kababar kanthi tulus,
   ingundhuh mbesuk aneng kaswargan
   Reff.....
Share:

391. KAWULA SESTU NGAKENI

391. KAWULA SESTU NGAKENI
( Kidung Pasamuwan Jawi )

Kawula sestu ngakeni kanthi tulus ing driya,
dosa kang kula lampahi salebet ing warsi lami.
Gusti mugi angaksami, mrih ayem ing tyas kula

2. Dhuh Gusti mugi nulungi;
   wit kwasaning Roh Suci,
   ing warsa enggal punika
   kawula gesang sembada;
   tansah mbangun- turut Gusti,
   ulah tresna sejati
Share:

392. MUGI SIH-RAHMATE NJENG GUSTI

392. MUGI SIH-RAHMATE NJENG GUSTI
( Kidung Pasamuwan Jawi )

Mugi sih rahmate Njeng Gusti lan sihe Alah Sang Rama,
nunggila  ing prasudara, pinanggiha sami basuki.
Wilujeng mlampah, wilujeng mlampah,
benjig nggih pinanggih a malih.
Wilujeng mlampah, wilujeng mlampah,
mbenjing nggih pinaggih a malih.

2. Mangsa tamtu silih- gumanti; wanci siyang gantos ratri,
   swau kita tetunggilan, samangkya kita pepisahan
   Reff.....

3. Kita nilarken warsa lami, wit kang enggal wus angganti,
   samnya silih angongakna, amrih gesangira lestari,
   Reff.....
Share:

393. PINUJI PUJI GUSTI

393. PINUJI PUJI GUSTI
( Kidung Pasamuwan Jawi )

Pinuji puji Gusti, sih rahmatnya gung yekti.
Ing warsa kang kawuri, kita rineksa sing pati
nadyan tinempuh panggodha, nging mantep pracaya,
wit kinati ing Gusti, satemah tansah basuki

2. Ingugung Hyang Maagung, gung luber ing pitulung.
   Ing warsa kang kawuri, kula tansah den rimati
   nadyan awrat sanggen kathan, lan semplah ing manah;
   cekap ing kabetahan, wah misungsung mring Pangeran.

3. Kluhurna Hyang Makwasa kang langgeng kasetyannya.
   Ing warsa enggal niki, tamtu tansah amberkahi,
   amung kraharjan sanyata, ngiring lampah kula,
   mila tan kendhat muji, wah mbangun turut mring Gusti
Share:

394. SAKEHING MANGSA LAN WAYAH

394. SAKEHING MANGSA LAN WAYAH
( Kidung Pasamuwan Jawi )

Sakehing mangsa lan wayah manut pranataning Allah,
padha gilir gumanti. Dewa takelan urute,
tetep lan wus pinasthi, tetep lan wus pinasthi.

2. De gilire mangsa iku, nyata becik, malah perlu
   marang sarwa urip paedahe lan sawabe.
   tetela lan mratani, tetela lan mratani
 
3. Wayah esuk, wayah sore, rina, wengi lan liyane
   wayah kang diarani, kabehiku; becik, perlu
   tan kena diwaoni, tan kena diwaoni
Share:

395. SAWATARA AKU NOLEH

395. SAWATARA AKU NOLEH
( Kidung Pasamuwan Jawi )

Sawatara aku noleh marang dalan kang dakliwati,
sihe Gusti kang dak tampa kanthi eraming ati.
Sanadyan akeh alangan wah kandhang lelimengan,
nanging Gusti karsa nuntun.
Mulane aku ngungun, wit asta ning Allah ngreksa,
temah rumangsa begja

2. Ora merga aku becik, tanganku tinuntun astanya;
   ora jalaran sampurna, aku tansah rineksa.
   Aku tansah kaeraman, wit tansah binerkahan.
   Kadiparan nggonku nampa sih tresnane Kang Kwasa ?
   Daklakoni, dakedumken marang umat sadoya.
Share:

396. SIYANG DALASAN RATRI

396. SIYANG DALASAN RATRI
( Kidung Pasamuwan Jawi )

Siyang dalasan ratri silih gumanti,
tan ana kang langgeng ing bumi.
Mung sih kadarman ing Allah Kang tresna,
katresnanira mangkonoa uga

2. Nadyan kita asring nindakake dosa,
   nging Gusti gung ing pangaksama,
   yogya kita tan ndlarung wangkot ing ati,
   nimbangi gunging sih rahmating Gusti.

3. Warsa enggak ndhatengna gunging sih rahmat,
   mrih tyang dosa samnya mratobat;
   yogya kita ngudi gesang mursid yekti
   mbangun- turut, ajrih asih mring Gusti.
Share:

397. WUS DUGENG WANCINYA

397. WUS DUGENG WANCINYA
(Kidung Pasamuwan Jawi )

Wus dugeng wancinya kita nilar warsa lami
gya napaki panjangnya warsa enggal puniki;
nadyan tan sagedan dugi begjalan bilai,
ning krana sihing Gusti, kita samya basuki

2. Saben mangsa tinata manut ing lampahira
   wonten pepanggihan ugi wonten pepisahan,
   nging kang wigati tansah nyawijia mring Gusti
   amrih kita sadaya sami gesang basuki.

3. Silih andongakna, mrih raharja salampahnya,
   mantep ing pracaya, wah sembada gesangira.
   Sumendhe mring Gusti, miwah asih mring sesami,
   Yeku jatidhirining putra - putraning Gusti.
Share:

398. AKU KANGEN MRING OMAHKU

398. AKU KANGEN MRING OMAHKU
(Kidung Pasamuwan Jawi )

Aku kangen mring omahku,
omahku kang ana ing swarga,
ing panggonane pra suci,
kang aputih busana nira

Reff. Omahku, neng swarga,
      aku kangen mring omahku.
 Omahku, omahku neng swarga;
 omahku kang aneng swarga

2. Aku kangen mring pra mitra; pra mitra kang wus aneng swarga
   kang memuji lan suka- rena, wus tan eling sedhihing donya.
   Pra mitra, neng swarga; aku kangen mring pra mitra;
   pra mitra, pra mitra neng swarga, pra mitra kang aneng swarga.

3. Aku kangen mring Gustiku; Gustiku kang ana ing swarga,
   kang nebus aku srana rahe; wus nyawisi omah kang mulya
   Gustiku neng swarga; aku kangen mring Gustiku;
   Gustiku, Gustiku neng swarga, Gustiku kang aneng swarga.
 
Share:

399. AYEM NENG GUSTI YESUS

399. AYEM NENG GUSTI YESUS
( Kidung Pasamuwan Jawi )

Ayem neng Gusti Yesus, lerem aneng swarga
Ingauban ing sihnya, iba ayem ira.
Wonten swara ngumandhang, lir pendah pramukti
neng swarga samnya ngidung lan enggar ing ati

2. Ayem neng Gusti Yesus benjing aneng swarga  
   Uwal saking rencana, * kalis ing panggodha.
   Sisah samgnke namung kantun sawatawis
   Ayem neng Gusti Yesus lerem aneng swarga,
   ingauban ing sihnya iba ayemira

3. Gusti pangungsen kula, pangruwat sejati.
   Gusti parang santosa kang kula gondheli
   Nriki kula angrantos, ngrantos klayan sabar,
   ngantos puput ** dalunya, ndungkap dugeng pajar
   Ayem neng Gusti Yesus lerem aneng swarga,
   ingauban ing sihnya iba ayemira.
 
Share:

400.AYEM TENTREM NENG SANG PAMARTA

400.AYEM TENTREM NENG SANG PAMARTA
( Kidung Pasamuwan Jawi - KPJ )

Ayem tentrem ku neng Sang Pamarta, ayem tentrem anesng astanya
Ayem tentrem ndherek satindaknya; tan keguh rinoban panggodha.

Reff. Tuhu tentrem arahayu
      sanadyan lakuku nrajang latu
      tan sah sinung berkah wah pangasoan
      yen cahyeng Gusti kang den sawang.

2. Ayem tentrem wong kang ngulandara,
   ayem nadyan taksih neng marga
   miwah lampahnya kelunta - lunta,
   tansah ayem jroning wardaya
  Reff....
Share:

401. DUWEA SWIWI AKU GYA MABUR

401. DUWEA SWIWI AKU GYA MABUR
( Kidung Pasamuwan Jawi - KPJ )

Duwea swiwi aku gya mabur nyang aluhur
nyang aluhur. Nggone salir prihatin wus lebur,
nyang aluhur, ngaluhur
Mabur nyang swarga kang endah mulya,
nggone pra putrane Allah samnya;
tansah memuji lan suka rena; neng aluhur, ngaluhur

2. Aku mabur mring nagri kang suci, nyang aluhur, nyang aluhur.
   Nggone wong tansah enggar ing ati, nyang aluhur, ngaluhur.
   Nggone tan ana nandhang sangsara, tan kekeng godha, tan gawe dosa
   tansah muksi agirang memuja, neng aluhur, ngaluhur.

3. KOno tansah ana wong pepisahan, neng aluhur, neng aluhur;
   miwah kang nangis lan kasusahan, neng aluhur, ngaluhur.
   Tan ana crah miwah [asulayan, kabeh mung olah tresna - tinresnan;
   asih lulut denya pitepangan, neng aluhur, ngaluhur.
Share:

402. DENEYA PADHA MANGU

402. DENEYA PADHA MANGU
( Kidung Pasamuwan Jawi - KPJ )

Geneya padha mangu ing ati ?
Yogya padhamareka
marang Sang Kristus
Ingkang Ginustisakaananira ?

Koor
    Payo sigra padhasowan
    Gusti nyawisi papan ka swargan

2. Aja semaya, enggal muliha, wit kesasar lakumu !
   Gusti nimbali kanthi sih-katresnan, di enggal ulihmu.
   Koor....

3. Aku wis sowan marang Gustiku sing suwe daklalekke
   nanging samanke manteb tekadku tansah ndherekake
   Koor ....

4. Geneya ta, kowe padha wedi ? Pasrahna atimu,
   Gustimu tamtu kersa ngasihi; pumpung ana wektu.
   Koor ....

5. Dhuh Gusti, mugi karsa anampi sembah-sujud kawula,
   awit kula sami ngrumaosi tentrem lan * Paduka
   Koor .......

Share:

403. GUSTI MUGI AMBABARNA

403. GUSTI MUGI AMBABARNA
( Kidung Pasamuwan Jawi - KPJ )

Gusti mugi ambabarna
kraton Paduko ing jagad;
pra umat samya ra harja,
krana rinoban sih rahmat.

2. Kayekten wah kaadilan,
   kasetyan dalah katresnan,
   binabar warta sadonya,
   wit pangrehe Kang Makwasa.

3. Kang aneng kratone Allah
   mung tentrem - rahayu tansah,
   datan ana pasulayan,
   wit samya tresna- tinresnan.

4. Dhuh Gusti, Sang Kristus Yesus,
   rawuha paring panebus,
   mrih samukawis sampurna,
   kadya karsane Kang Rama.

Penutup   A min
Share:

404. GUSTI YESUS RATU ADIL

404. GUSTI YESUS RATU ADIL
( Kidung Pasamuwan Jawi - KPJ )

Gusti Yesus Ratu Adil,
panetep pana ta gami
kang mengku sajagad rat.
Sagung ilat badhe nyebut,
sakathahing dhengkul sujud
miring Gusti ning pra umat,
mring Gusti ning pra umat.

2. Namung dening Kanjeng Gusti kita saged dados suci
   kinumbah klayan rahnya. Gesang langgeng wus sinungkwn,
   wah tyang doso rinukenken ( lantaran Sang Pamarta x 2 )

3. Tiyang dosa kang kesrakat, tiyang sakit wah tyang mlarat,
   gya samya tinimbalan. Denen sinteng kang umarek,
   apitados ngarep-arep, ( mesthi nggih tuinulungan x 2 )

4. Mila sampun ta semados, mbok inggih samnya pitados
   mring Gusti Ratu kita. Pinundhia trus ing batos,
   de Kang Kwasa karsa dados ( Juru Pamarta kita  x 2 )

Share:

========******========
* Selamat datang di Blog Restsindo.
** Terima kasih telah berkunjung.
*** Tulis saran dan kritik melalui kolom komentar
========********========

Popular Posts

Info Terbaru

DOWNLOAD KJ LENGKAP DAN KPJ LENGKAP UNTUK EASYWORSHIP

Sesuai dengan janji kami pada postingan sebelumnya, dimana kami akan menyediakan Index Kidung Pujian baik Kidung Jemaat (KJ) maupun Index K...

Blog Archive

Follow

FOREX To Day
 
 Update tiap 5 menit    < Restsindo >