351. SAMANGKYA KITA MARDIKA

351. SAMANGKYA KITA MARDIKA
( Kidung Pasamuwan Jawi / KPJ )

Samangkya kita mardika, rinuwat saking dosa,
ngegungken bekti mring Gusti wah asih mring sesami.

Reff.
  Karaharjan lan kabegjan kang tansah ngiring gesang,
  karana Sang Kristus Gusti, kula singung basuki

2. Mangkya kita titah anyar tan winengku kadonyan.
   Kanthi setya sarwi bingar lelados mring Pangeran.
 
 Reff.......
 
3. Mangkya kita putreng Allah tansah nglantarken berkah.
   Mbelani tyang kang sangsara ngrimat tyang kang cilaka.
 
Reff.........
 
4. Mangkya kita tyang pracaya kang tansah ndherek Gusti.
   Injil suci winartosna srana katresnan yekti.
 
 Reff.....

352. SANTOSANING TETUNGGALAN

352. SANTOSANING TETUNGGALAN
( Kidung Pasamuwan Jawi / KPJ )

Santosa ning tetunggilan wit saka katresnan.
Den sabar ing ati nira, sareh ing wicara.
Di padha lan di mumadi, tan ngedungken dhiri.
Kabeh iku kang ingangkah tandha sih mring Allah.

2. Atut - rukun angesuhi, timbalan lestari
   Yeku badan lan roh kita manunggal sajuga.
   Kadya pangesthi sawiji kang kita darbeni;
   yeku sih rahmate Allah kang luber ing berkah.
 
3. Tunggal baptis, tunggal Gusti, wah tunggal pracaya,
   tunggal sedya miwah kapti, yeku timbalannya.
   Kabeh pikantuh nugraha sih rahmat kang adi.
   Gedhe - cilik pinta - pinta samirmaning Gusti

353. SEMBAH BEKTI WAH PUJI

353. SEMBAH BEKTI WAH PUJI
( Kidung Pasamuwan Jawi / KPJ )

Sembah bekti puji konjuk ngarseng Gusti,
kang mberkahi grejanya, temah tansah begja.
Injil kraton ing Allah ingundhangken sumrambah.
Asmane kamulyakna dening sagung bangsa.

2. Sagung kidung kamulyan konjuk mring Pangeran
   dalah pisungsung katur tandha saos sokur
   wit pangrehnya nyata dhateng umat kang setya.
   Asmane kamulyakna kanthi trus ing driya.
 
3. Salir kidung panggunggung konjuk Hyang Maagung,
   kang maring pasamuwan tansah sung pitulung.
   Nadyan panggodha nempah, greja panggah tan dhawah
   Asmane kamulyakna salami - laminya.

354. TETALESNYA SAWIJI

354. TETALESNYA SAWIJI
( Kidung Pasamuwan Jawi / KPJ )

Tetalesnya sawiji, peparang sejati,
nggih Gusti Yesus Kristus, kang dadya marginya
adeging salir Greja ing tengahing donya,
mrih mbabarken sih rahmat mring tiyang sajagad

2. Greja tampi timbalan angabdi mring Gusti,
   mrih sami tetunggilan wah dados paseksi;
   lelados mring sesami, tresnannya tan kendhat,
   dadya sareming bumi wah padhanging jagad
 
3. Nadyan beda wujudnya, yektine sajuga,
   tunggal baptis lan Gusti pindha badan siji,
   tunggila kang sinedya myang sagung panjangka,
   mrih kebabar yen Yesus Sang Jurubasuki

355. WONTEN PUNDI DUNUNGING GESANG

355. WONTEN PUNDI DUNUNGING GESANG
( Kidung Pasamuwan Jawi / KPJ )

Wonten pundi dununging gesang ingkang mengku katentreman ?
wonten pundi Sang Jinebadan ingkang nuntun mring kaswargan ?
Reff.
  Kang kapireng swaraning puji ngumandhang aneng pamujan,
  mung Sang Kristus yeku sumbering katentreman wah kaswargan.
 
2. Dhateng pundi purunging tiyang
   ingkang kawratan ing dosa,
   tyang prihatos wah tyang kesrakat
   tinampen klayan legawa ?
   Reff......
 
3. Dhateng pundi tangis linipur
   amrih manggih kaayeman ?
   Ing pundi korining pitobat,
   dimen manggiha kaswargan ?
   Reff.....

356. ATUSAN TAUN SABANGSA JINAJAH

356. ATUSAN TAUN SABANGSA JINAJAH
( Kidung Pasamuwan Jawi / KPJ )

Atusan taun sabangsa jinajah,
nging samangkya bebas wus mardika;
sestu mung krana sih rahmating Allah,
karana perjuangan aning tyang sabangsa.

Reff.
Agung sih ing Allah Hyang Maluhur;
swasi kinen tansah saos sokur,
kanthi giyak tumemen makarya,
mrih raharja lair wah batos kita.

2. Nagri kita Republik Indonesia
   tetalesnya yeku Pancasila;
   tangsul kekah pangiket tyang sabangsa.
   Mugi Gusti mberkahi mrih lestarinya.
   Reff......

357. ENDAHING SADULURAN

357. ENDAHING SADULURAN
( Kidung Pasamuwan Jawi )

Endahing saduluran manut rehing Pangeran,
sami dene ngajeni wah mbiyantoni.
Nadyan beda agama wah beda golongannya,
tunggal rasa, pambekan, pri kamanungsan.
Kluwung pindhanya, endahing warna,
nyawiji mbangun urip kang adya,
tentrem raharja.

2. Rukun ing pitepangan, sumanak ing rembagan;
   dhemen sung pangapura, nyirik piala;
   nging samnya silih ngalah, mbabarken tresna tansah,
   nulad ing sihe Allah mring sagung titah
   Reff.....
 
3. Rukun gawe santosa, crah mung bubrah wohira;
   ngestokna sabdeng Gusti, tresna sesami.
   Nadyan panemu beda, nging tan samya sulaya;
   olah kawicaksanan, tan nang menangan.
   Reff......

358. GUSTI BADHE KULA PUJI

358. GUSTI BADHE KULA PUJI
( Kidung Pasamuwan Jawi )

Gusti badhe kula puji
ingkang kanthi eklas ing manah,
wonten ngaheng ing pra ageng
ngungelaken pujining Allah.
Kawula badhe asujud,
ngucap sokur dhumateng Gusti;
dene kadarman Paduka
lan kasetyan tan ewah gingsir

2. Para rajanipun bumi badhe muji asma Paduka
   sasampuning sami nampi pangandika lesaning Gusti
   Sami memuji lan matur sagung sokur dhumateng Allah;
   sami ngidungken pangrehnya, wit tetela kaluhurannya.
 
3. Allah mesthi ngrampungaken samukawis tumrap kawula.
   Kawula kapitulungan ing astanya Ingkang Kawasa.
   Dhuh Gusti, berkah Paduka ing kawlasan, langgeng slamanya.
   Gusti mboten badhe nilar mring pakaryan slami - laminya.

359. INDONESIA NAGRI ADI

359. INDONESIA NAGRI ADI
( Kidung Pasamuwan Jawi )

Indonesia nagri adi, sestu kula tresnani;
tanah wutahrah tanah pusaka, paring Allah Rama,
wus tamtu tansah kula labuhi klayan eklas ing ati.

2. Indonesia nagri adi, gemah ripah loh jinawi,
   warni warni kewan, tetaneman, ulam langen lelumban,
   nedya kula jagi mrih lestari;
   niku paringing Gusti
 
3. Indonesia nagari adi, ewon pulo nyawiji,
   beda beda suku wah agama, ras lan golonganira.
   Tansah kula sesuwun mring Gusti,
   mrih bangsa wetah lestari.

360. INDONESIA NAGRI ENDAH

360. INDONESIA NAGRI ENDAH
(Kidung Pawamuwan Jawi )

Indonesia nagri endah, peparinging Yehuwah;
mila kula dongakaken, mrih raharja wah tentrem

2. Allah yeku kang ngayomi bangsa dalah negari;
   ing sisah tanapi bingah, mung Pangeran sinembah
 
3. Kabegjan wah kaluberan mung krana sihing Gusti
   bebener lan kaadilan tansah kedah denudi
 
4. Bangsa nagri Indonesia mugi tansah lestari,
Kalis sing salir bebaya, wit rineksa ing Gusti