KPK 131.

AYEM WONTEN ING GUSTI

1. Ayem neng Gusti Yesus ayem ing Sang Kristus,

   sinungan gesang nyata tinebus sing dosa,

   wonten kidung ngumandhang sumyaking tyas girang

   pamujining pra suci nggunggung sihing Gusti.

   Ayem neng Gusti Yesus ayem ing Sang Kristus,

   sinungan gesang nyata tinebus sing dosa.

2. Ayem neng Gusti Yesus ayem ing Sang Kristus,

   sinung panglipur yekti dening Sang Roh Suci, 

   wonten kidung tan kendhat pujining pra umat, 

   wit gung prasetyeng Gusti samya den tetepi, 

   Ayem neng Gusti Yesus ayem ing Sang Kristus, 

   sinung panglipur yekti dening Sang Roh Suci.

3. Ayem neng Gusti Yesus ayem ing Sang Kristus,

   sinung kabegjan tansah dadya putreng Allah,

   wonten kidung gung endah sru nggunggung mring Allah, 

   de sisah lan sangsara nunten enggal sirna, 

   Ayem neng Gusti Yesus ayem ing Sang Kristus, 

   sinung kabegjan tansah dadya putreng Allah.

4. Ayem neng Gusti Yesus ayem ing Sang Kristus, 

   sinung kraharjan swarga kalis sing antaka, 

   wonten kidung nengsemna ngebaki bawana, 

   pujining pra tyang ngantya mring gesang sampuma, 

   Ayem neng Gusti Yesus ayem ing Sang Kristus, 

   sinung kraharjan swarga kalis sing antaka.

Read More

KPK 132 .

KABEGJANING TIYANG KRISTEN

1. Samangkya kita merdika uwal sing rehing dosa 

   ngegungken bekti mring Gusti wah asih mring sesami

Reff: mung kraharjan lan kabegjan kang tansah ngiring gesang

      tinebus Sang Kristus Gusti kula sinung basuki.

2. Mangkya kita titah anyar nyingkur kadonyan tansah 

   budi luhur, andhap asor leladi trus ing manah,

Reff: mung kraharjan lan kabegjan kang tansah ngiring gesang

      tinebus Sang Kristus Gusti kula sinung basuki.

3. Mangkya kita putreng Allah tansah nglantarken berkah 

   mbelani tyang kang sangsara ngrimat tyang kang cilaka,

Refr:Reff: mung kraharjan lan kabegjan kang tansah ngiring gesang

      tinebus Sang Kristus Gusti kula sinung basuki.

4. Mangkya kita Umat Kristen kang tansah ndherek Gusti 

   Injil suci winartosken srana katresnan yekti,

Reff: mung kraharjan lan kabegjan kang tansah ngiring gesang

      tinebus Sang Kristus Gusti kula sinung basuki.

Read More

KPK 133.

RUMENTAHING PALIMIRMA

1. Kula tyang dosa klangkung ageng rinentahan palimirma, 

   punika ngeram-eramaken, kawula sewu tan nyana,

   mangke tan wonten paniksa, (2X). ming rumentahing sih mir-ma (2X)..

2. Allah ngasihi dhateng kula dosa kula ingaksama,

   tan wonten mulading bendunya wit kula ingangkat putra 

   kula punika sinten.ta (2X) de rinentahan sih mirma (2X).

3. Sayogya kula gunggung-gunggung palimimanipun Allah 

   kang nglepataken saking ukum wah nucekaken ing manah 

   panggunggung kula tan liya (2X)  ming bab rentahing sih mirma (2X).

Read More

KPK 134.

AJA ADIGANG, ADIGUNG, ADIGUNA

1. Saliring tyang adigang mung nyebar panandhang 

   wateknya kamitegan nindhes mring sanes tyang 

   pituwasnya bebendu bramantyaning Gusti

   nging tyang tresna satuhu gesang yekti  (2X).

2. Salir tyang adigung mung nandur sangsara

   remen umuk gumunggung ngina mring pepadha 

   mesthi ngundhuh antaka wit adiling Allah

   nging tyang kang andhap asor sinung berkah (2X).

3. Salir tyang adiguna mung ndhedher cilaka 

   nganggep Allah tan ana sabdanya mung nglaha 

   nggih panen karisakan dukaning Pangeran 

   nging tyang ajrih sih Allah kinasihan (2X).

4. Tyang kang ngendelken dhiri mung ngingah bilai 

   ngangah-angah kadonyan gesangnya lir kewan 

   pikolehnya mung pati wah gesang ing peteng 

   tyang ngandel Kristus Gusti rarja langgeng (2X).

Read More

KPK 135.

KULA SUMARAH MRING ALLAH

1. Gesang kebak kekeran angel den jajagi 

   dhateng ing kasangsaran nggih silih gumanti

   namung Paduka Gusti mirsa samukawisnya

   kula pasrah sumarah ing reh Paduka.

2. Gesang kebak kekeran angel den jajagi - 

   reribed kasisahan silih andhatengi 

   aneng astane Gusti kula tan semplah ati 

   kula pasrah sumarah ing rehing Allah.

3. Gesang kebak kekeran angel den jajagi 

   panggodha wah pacoban mung ngrerujit ati 

   wit pitulunge Allah kula manteb pracaya 

   kula pasrah sumarah ing rehing Allah.

Read More

KPK 136.

PANGANDEL DHUMATENG ALLAH

1. Neng are wah neng gunung, mung neng rgarseng AIlah

   aneng ngendi dumunung nggih pinanggya tansah

   endi kang dadi cipta lan osiking ati .

   kapirsanan sadaya ing Allah Hyang Widi.

2. Mung Gusti kang Makwasa mengku samubarang, 

   salir tyang kang pracaya mesthi tinulungan, 

   manuk ing awang-awang Allah kang ngingoni, 

   suket lan thethukulan wrata den paesi.

3. Bumi dalasan swarga winengku Pangeran, 

   jasad gedhe cilika Allah tan klimengan, 

   sawernaning pra titah sajagad warata, 

   namung nelakken tansah piwlas lan kwasanya.

4. Wong pracaya den ayem tansah kumandela,

   neng padhang lan neng peteng Allah tansah ngreksa, 

   yen kabotan momotan siningkang ing kadang, 

   Gustimu nunggil tansah dipanggah ywa semplah.

Read More

KPK 137.

KANG LANGGENG SIHE ALLAH

1. Saprakara kang pantes den upadi yeku Kratoning Allah Sang Rama

   samubarang pinaringken tumuli angger sumuyud jroning pracaya

Reff:kabeh mung nglaha, kabeh mung nglaha, sarwa kadonyan wus mesthi sirna

      mung sihe Allah kang langgeng slamanya tyang kang ngayom wus mesthi raharja.

2. Drajad kasugihan wah kasenengan, ginayuh kanthi margi utami, 

   aywa lali kang aji lan sejati, yeku setya wah nunggil lan Gusti,

Reff:kabeh mung nglaha, kabeh mung nglaha, sarwa kadonyan wus mesthi sirna

     mung sihe Allah kang langgeng slamanya tyang kang ngayom wus mesthi raharja.

3. Sagunging kadonyan ingkang kadarbya, iku sranane mbabarken tresna, 

   yen dugeng janji tan badhe binekta, mung gesang langgeng bandha ing swarga,

Refff:kabeh mung nglaha, kabeh mung nglaha, sarwa kadonyan wus mesthi sirna

           mung sihe Allah kang langgeng slamanya tyang kang ngayom wus mesthi raharja.

Read More

KPK 138.

PANGANDEL

1. Mung sarana pracaya aku sinung waluya
uwal sing rehing pati tinebus dening Gusti
Reff : Ayem tentrem ing kalbu wit Allah Pamartaku
       Gusti andel-andel yekti slaminya dak bekteni.

2. Srana pasrah Pangeran aku sinung kabegjan
   ing sisah dalah bingah tansah tinunggil Allah,
Reff : Ayem tentrem ing kalbu wit Allah Pamartaku
       Gusti andel-andel yekti slaminya dak bekteni.

3. Srana kumandel nyata aku sinung raharja
   ing siyang ratri tansah rinoban dening berkah,
Reff : Ayem tentrem ing kalbu wit Allah Pamartaku
       Gusti andel-andel yekti slaminya dak bekteni.

Read More

KPK 139.

MUGI GUSTI ANGUTUS UTUSAN

1. Mugi Gusti karsa angutus utusan kados duk kinanipun
   ingkang ngemban sabdaning Allah lan martosken sih piwelaspun
   supados tyang salumahing bumi sami nampia Injiling Gusti.

2. Mugi Gusti ngutus pra abdi sembada lan setya sami nyebar,
   pawartosing kawilujengan mring salumahing bumi gumelar,
   supados tyang sami pitadosa, temah ngraosken tentrem raharja.

3. Mugi Gusti madhangi manah kang peteng wit pamengkuning dosa,
   temahan pra tiyang kang wangkot lan kang kawengku ing gugon tuhon,
   mratobata pitados mring Gusti klayan bingah asmane pinuji.

Read More

KPK 140.

SANG KRISTUS TAMENG SANTOSA

1. Sang Kristus tameng santosa nguwalken saking rubeda,
   neng jroning bebaya pati Gusti kang badhe nulungi,
Reff : Gusti peparangku tansah ngayomi, angayomi, angayomi,
       ampinganku sajroning prahara pangungsen ingkang santosa.

2. Sang Kristus Pangen kang setya anggiring sagung mendanya
   mring panggenan tentrem yekti menda tansah den ayomi,
Reff : Ayem tentrem ing kalbu wit Allah Pamartaku
       Gusti andel-andel yekti slaminya dak bekteni.

3. Sang Kristus mulung astanya kalamun rumpil marginya
   yen ical dipun upadi kepanggih dipun rimati
Reff : Ayem tentrem ing kalbu wit Allah Pamartaku
       Gusti andel-andel yekti slaminya dak bekteni.

Read More

KPK 141.

GESANG DADOS KIDUNG

1. Gesang kula dados kidung sumaos mring Pangeran,

   wit sihnya saklangkung agung maringken kaslametan,

   ing kabegjan wah sangsara tansah memuji Gusti,

   srana kamursidan nyata krana anyar ing budi.

2. Lamun kabotan ing susah wah karoban ing bungah, 

   kula manteb ing pracaya ngayom ing sih rahmatnya, 

   sanadyan sengseming donya nggodha wah milut ati, 

   kula mesthi tansah setya mbangun turut mring Gusti.

3. Pocapan wah tingkah laku mobah mosiking kalbu, 

   dadya kidung konjuk Allah wit sih rahmatnya tumrah, 

   sayogya sengkut makarya kagem Kratoning Allah, 

   yeku sokur trusing driya konjuk mring Gusti tansah.

Read More

KPK 142.

MUNG KRISTUS JURU BASUKI

1. Mung Sang Kristus Yesus Gusti  Juru basuki

   wit sih tresnanya mring sagung manungsa

   ngantos ngurbanken sriranira mila tyang kang pracaya

   sinungan gesang nyata wah tentrem raharja.

2. Mung Sang Kristus Yesus Gusti Juru Basuki, 

   sabdanya yekti kebak ing pangwasa 

   nggih sabdaning Allah pribadya tyang kang manut Ian setya

   ing gesangira mung kabegjan kang pinanggya.

3. Mung Sang Kristus Yesus Gusti Juru Basuki, 

   panunggil Ian panuntuning pangrehnya 

   sestu sung santosaning driya tyang pracaya sumarah

   sinung ayem ing manah wah tan nate semplah.

Read More

KPK 143.

MUNG TANSAH PASRAH MRING GUSTI

1. Aku tan nate mangerti kapan begja cilaka

   mung tansah pasrah mring Gusti yeku Pamarta setya

   manteb pracaya ing ati manut reh lan sabdaNya

   tinuntun dumugeng swargi ing kasampurnan nyata.

2. Aku asring tan mangerti karseng Allah Makwasa, 

   donga panyuwuning ati tan kajurungan nulya,

   nging yektine Gusti nganthi astanya tansah ngreksa, 

   wit panuntuning Roh Suci kasoran rehing dosa.

3. Nasibku ing rehing Gusti tan ana pangreh liya, 

   kasarasan lan rejeki imbuhing sih nugraha, 

   rancangan tinata tliti pratandhaning pracaya,

   aku tan kwatir tan wedi mung begja kang pinanggya.

Read More

KPK 144.

MARGI DHATENG SWARGA

1. Nyebuta Gusti mring Sang Kristus, nging yen tan kanthi tulus

   mung kembang lambe tanpa laku rehing dosa den gugu

   kasangsaran temahanira naraka pandumannya

Refr : kang mlebet mring kratoning swarga namung tyang kang mbabarken tresna

       nglampahi mring karsaning AIlah sepi ing pamrih tansah.

2. Salir tyang kang lampah utami welasan mring sesami, 

   mbelani tyang ringkih sangsara nadyan kanthi toh nyawa, 

   yeku muriding Kristus Gusti nggih tyang kang mursid yekti,

Refr : kang mlebet mring kratoning swarga namung tyang kang mbabarken tresna

       nglampahi mring karsaning AIlah sepi ing pamrih tansah.

3. Saestu begja-begjaning tyang ing donya wah klanggengan, 

   pracaya Gusti Sang Pamarta tansah nulad ing sihnya, 

   dalah tyang kang nyatroni pisan winales kasaenan,

Refr : kang mlebet mring kratoning swarga namung tyang kang mbabarken tresna

       nglampahi mring karsaning AIlah sepi ing pamrih tansah.

Read More

KPK 145.

 NUNGGIL KALIYAN GUSTI

1. Yen nunggil Ian Gusti rinten dalu

   manah langkung tentrem arahayu

Refr : kula angantya Gusti ratri klayan rina

       nyuwun berkah dhuh Gusti, Gusti kula.

2. Yen nunggil lan Gusti jro ginodha, 

   kula mesthi unggul nglawan dosa, 

Refr : kula angantya Gusti ratri klayan rina

       nyuwun berkah dhuh Gusti, Gusti kula.

3. Yen nunggil Ian Gusti kasisahan, 

   mantun kagentosan kabingahan, 

Refr : kula angantya Gusti ratri klayan rina

       nyuwun berkah dhuh Gusti, Gusti kula.

4. Yen nunggil Ian Gusti siyang ratri, 

   birat najis kula temah suci,

Refr : kula angantya Gusti ratri klayan rina

       nyuwun berkah dhuh Gusti, Gusti kula.

5. Yen nunggil Ian Gusti saged ngertos, 

   kang dados karsanya ing sayektos,

Refr : kula angantya Gusti ratri klayan rina

       nyuwun berkah dhuh Gusti, Gusti kula.

Read More

KPK 146.

GUSTI YESUS PAMARTA

1. Gusti Yesus Pamarta dados Pangungsen kula

   kula dipun luwari sing pamengkuning pati

   srana rahing Sang Kristus gesang kula tinebus.

2. Gusti Yesus Pamarta kang nunggil gesang kula, 

   kula tansah kinanthi ngantos dumugeng janji, 

   mila kula tan wedi martosken sihing Gusti.

3. Gusti Yesus Pamarta dados pangungsen kula, 

   yen ketaman bilai kula nenga mring Gusti, 

   nyadhong pangluwar yekti temah tentrem ing ati.

Read More

KPK 147.

PANGUNGSEN KULA

1. Gusti Pangungsen kula sestu gung sih rahmatnya

   ing sajroning panandhang wah yen bebaya nrajang

   Gusti sung pangluwaran kula manggih kraharjan.

2. Daya karosan kula winates wontenira 

   srana pasrah sumarah mring reh kwasaning Allah 

   kula manggih kabegjan ngantos dugeng klanggengan.

Read More

KPK 148.

NYAWISI PAPAN MRING GUSTI

1. Gustimu kepareng mundhut papan aneng atimu

   resikana dimen patut Gusti karsa lumebu

REFF. rungokna pangandikanya aja padha semaya

      nyawisna papan mring Gusti aneng sajroning ati

2. Tan liya kersane Gusti, mitulungi wong dosa, 

   kang siyaga mbukak ati, dadya padalemannya, 

REFF. rungokna pangandikanya aja padha semaya

      nyawisna papan mring Gusti aneng sajroning ati

3. Rahayu tyang kang samekta, saos papan mring Gusti, 

   antuk padhanging wardaya, kang tumurun sing swargi, 

REFF. rungokna pangandikanya aja padha semaya

      nyawisna papan mring Gusti aneng sajroning ati

Read More

KPK 149.

GUSTI NUNTUN

1. Gusti nuntun lampah kula saklangkung nggen kula begja

   celak miwah tebih ugi tansah dipun kanthi Gusti

Reff: nggih Gusti kang nganthi kula astanya pyambak kang ngreksa

      mila kula manut Gusti kang dados Panebus yekti.

2. Dadosa ing wanci siyang, punapa kesaput ratri,

   manah peteng miwah padhang, kula tansah dipun kanthi, 

Reff: nggih Gusti kang nganthi kula astanya pyambak kang ngreksa

      mila kula manut Gusti kang dados Panebus yekti.

3. Gusti nuntun kula pasrah, klayan nrimah ing satitah, 

   nadyan ngantos dugeng janji, kula tansah dipun kanthi, 

Reff: nggih Gusti kang nganthi kula astanya pyambak kang ngreksa

      mila kula manut Gusti kang dados Panebus yekti.

Read More

KPK 150.

KUMANDELA, PRACAYAA

1. Mara den etunga berkahing Allah Rama

   atinira mesthi kaeraman gungnya tanpa wilangan

   mula ja kuatir sumelang nging sumendhea Pangeran 

Reff: Kumandela pracayaa

      upadinen Kratoning Allah atimu ayem kabegjan tumrah

      kang murbeng rat muwuhi berkah ing sih rahmat.

2. Mara waspadakna mukjijad sing Sang Rama

   dalah prakara kang mung prasaja margining pangrimatnya, 

   maringken bagas kasarasan Ian kacekapaning gesang,

Reff: Kumandela pracayaa

      upadinen Kratoning Allah atimu ayem kabegjan tumrah

      kang murbeng rat muwuhi berkah ing sih rahmat.

3. Mara den gatekna pangrehing Gustinira,

   denya ngrimati pra makluk wrata ing rehing alam raya, 

   uripira langkung pangaji Ian sagung pra makluk sami,

Reff: Kumandela pracayaa

      upadinen Kratoning Allah atimu ayem kabegjan tumrah

      kang murbeng rat muwuhi berkah ing sih rahmat.

Read More

KPK 151.

MUNG ALLAH MAHA KAWASA

1. Nadyan sira pinter alinangkung tan jajak kekeraning Hyang agung

   sayogya sira aja gumunggung leladia mrih Gusti ginunggung, 

Reff: Mung Allah Kang Mahakawasa wah tansah langgeng pangrehira,

      bala swarga makluk wrata nelakken kamulyannya

      tyang kang mursal nemahi bilai kang ajrih asih manggih basuki.

2. Nadyan sira luber sugih yekti, nging luwih sugih langit Ian bumi,

   mula den andhap asor ing ati, loma mring Gusti dalah sesami,

Reff: Mung Allah Kang Mahakawasa wah tansah langgeng pangrehira,

      bala swarga makluk wrata nelakken kamulyannya

      tyang kang mursal nemahi bilai kang ajrih asih manggih basuki.

3. Nadyan sira luhur wah sinembah, tan sande bali mring lebu tanah, 

   mula nyaosna gesang mring Allah, dadya lantaran sih rahmat tumrah,

Reff: Mung Allah Kang Mahakawasa wah tansah langgeng pangrehira,

      bala swarga makluk wrata nelakken kamulyannya

      tyang kang mursal nemahi bilai kang ajrih asih manggih basuki.

Read More

KPK 152.

YESUS SANG PAMARTA

1. Yesus yeku Sang Pamarta karsa ngluwari tyang sangsara

   mbirat saliring memala nglipur tyang kang nandhang papa

Reff. kang pengin raharja yekti gya mareka mring Yesus Gusti

      kang pengin raharja yekti gya mareka mring Yesus Gusti.

2. Yesus Sang Juru basuki, lembah manah luber ing budi, 

    tan mawang mring saliring tyang, kang ngayom nggih tinulungan, 

Reff. kang pengin raharja yekti gya mareka mring Yesus Gusti

      kang pengin raharja yekti gya mareka mring Yesus Gusti.

3. Yesus Sang Juru Panebus, tresnanira sayekti tulus, 

    tyang najis, dosa, duraka, yen mratobat ingapura, 

Reff. kang pengin raharja yekti gya mareka mring Yesus Gusti

      kang pengin raharja yekti gya mareka mring Yesus Gusti.

Read More

KPK 153.

GUSTI YESUS KRISTUS

1. Aku mesthi nyaritakna  bab Yesus Sang Pamarta

   Pepadhanging jagad nyata Putreng Allah Makwasa

   nggih jatining kayektosan wah malih kauripan

   margining tyang dugeng swargi Imam agung sejati

   Sang Pangen, Panebus jalma Pantaraning manungsa.

2. Aku mesthi nyaritakna bab Yesus Sang Pamarta

   yeku Sang Kristus Masuci Gustining sagung Gusti, 

   ratuning salir pra ratu nggih Sang Guru satuhu,

   sabdeng Allah kang manjalma dadya putreng manungsa, 

   nggih ugi cempening Allah Abdining Sang Yehuwah.

3. Aku mesthi nyaritakna bab Yesus Sang Pamarta, 

   panutaning tyang pracaya nggih Ratu Adil nyata,

   Sang Alpha Ian Sang Omega Pangreh jagad Ian swarga, 

   sesirahing pasamuwan sarta sumbering gesang,

   Hakim ing dinten wekasan kang datan mawang mring tyang.

Read More

KPK 154.

ALLAH PANGAYOMANMU

1. Allah yeku Pangen satuhu kang ngreksa tansah uripmu

   Pracayaa sarta mituhu wah bekti kang trusing kalbu

   yen bebaya nempuh sira ywa semplah alit ing driya.

2. Gusti nganthi mring sira tansah tan kendhat ngluberken berkah 

   yen sira rinoban bebaya wah mikul salib sangsara 

   pitulungnya datan kendhat mula ngayoma dikebat.

3. Sang Roh Suci nunggil mring sira nyantosakken ing pracaya

   mrih menang nglawan mring panggodha waspada juliging dosa 

   manuta ing sapangrehnya temah dugeng kraton swarga.

Read More

KPK 155.

PASEKSI SAYEKTI

1. Tyang kang pracaya nyawiji wit Sang Kristus Gusti

   Lir badan kang mung sajuga lan gegelitannya

   yeku paseksi sanyata Yesus Sang Pamarta.

   tansah silih, mbiyantoni ngarah gesang suci

2. Santosaning patunggilan tinangsul katresnan

   samya silih angladosi tan ngegungken dhiri

   sengkut makarya ngundhangken wartos kabingahan 

   yeku paseksi sanyata Yesus Sang Pamarta.

3. Pinta-pinta nugrahanya peparinging Rama, 

   runtut lumados mring Gusti wit sadaya aji 

   lelados mring gung sesami mrih tentrem raharja 

   yeku paseksi sanyata Yesus Sang Pamarta.

Read More

KPK 156.

TIMBALAN DADYA DUTA SEMBADA

1. Kathah tyang samya nandhang tilingna

   mbetahken pitulungan tilingna

reff : Gusti nimbali sira dadya duta sembada

       mbabarken sih rahmatnya tilingna.

2. Kathah tyang samya semplah, tilingna, 

   betah lubering berkah, tilingna,

reff : Gusti nimbali sira dadya duta sembada

       mbabarken sih rahmatnya tilingna.

3. Kathah tyang samya sedhih, tilingna, 

   mbetahken welas asih, tilingna,

reff : Gusti nimbali sira dadya duta sembada

       mbabarken sih rahmatnya tilingna.

4. Kathah tyang dadya kurban, tilingna, 

   mbetahken pangluwaran, tilingna,

reff : Gusti nimbali sira dadya duta sembada

       mbabarken sih rahmatnya tilingna.

Read More

KPK 157.

 NYUWUN KALANTING ING GUSTI

1. Ing margi kang rumpil sarta sepi giris nglimputi mring kula

   lungkrah raga wah semplah ing driya lir tyang kang tinegakken Sang Rama

Reff : mlampah pyambak datan dumugi Gusti mugi nglantinga

       mrih gesang maedahi sesami  wah kamulyaning asma Paduka.

2. Kawula kesandhung sarta dhawah karana lungkrah sulayah, 

   kang kula ungseni namung Gusti wit sihnya kula manggih basuki,

Reff : mlampah pyambak datan dumugi Gusti mugi nglantinga

       mrih gesang maedahi sesami  wah kamulyaning asma Paduka.

3. Yen kula tinempuh ing prahara ajrih kuwatos ing driya,

   mung Gusti kang kula antya-antya sabdanya ngiyatken,gesang kula,

Reff : mlampah pyambak datan dumugi Gusti mugi nglantinga

       mrih gesang maedahi sesami  wah kamulyaning asma Paduka.

Read More

KPK 158.

 ASMANYA MA'KWASA

1. Gusti Kristus Maha kwasa nggih tetameng santosa

   sagunging tyang kang pracaya mesthi den ayomana, 

reff. Asmanya Makwasa nggih tetameng santo sa

      As maNya Makwasa tumrap tyang kang pracaya.

2. Piandel urip sayekti namung asmaning Gusti,

   ing panggodha wah sangsara sung santosaning driya,

reff. Asmanya Makwasa nggih tetameng santo sa

      As maNya Makwasa tumrap tyang kang pracaya.

3. Asmaning Sang Kristus Gusti mbereg remen leladi, 

   mrih gesang tentrem raharja jagad rinoban sihnya, 

reff. Asmanya Makwasa nggih tetameng santo sa

      As maNya Makwasa tumrap tyang kang pracaya.

4. Undhangna asmaning Gusti ing salumahing bumi, 

   mrih salir tyang nampi warta Ratu Adil wus prapta, 

reff. Asmanya Makwasa nggih tetameng santo sa

      As maNya Makwasa tumrap tyang kang pracaya.

Read More

KPK 159.

SANG KRISTUS MAASIH

1. Lamun sira sangsara krana rehing dosa 

   yogya pasrah. mring Gusti  dyan linuwaran yekti,

Reff. Sang Kristus Maasih mring tyang kang ringkih

      ywa mamang ngayoma temah sira tentrem raharja.

2. Yen sira kamomotan kabotan sesanggan,

   yogya ngungsi mring Gusti mesthi den pitulungi,. 

Reff. Sang Kristus Maasih mring tyang kang ringkih

      ywa mamang ngayoma temah sira tentrem raharja.

3. Yen sira karupekan siningkang ing kadang, 

   rumaketa mring Gusti mrih tan semplah ing ati, 

Reff. Sang Kristus Maasih mring tyang kang ringkih

      ywa mamang ngayoma temah sira tentrem raharja.

4. Yen sira kasusahan rinoban panandhang, 

   sumendhea mring Gusti sira mesthi kinanthi, 

Reff. Sang Kristus Maasih mring tyang kang ringkih

      ywa mamang ngayoma temah sira tentrem raharja.

Read More

KPK 160.

KRATON SWARGA

1.  Neng Kraton swarga sestu  gung panggenannya

    salir tyang tinimbalan mlebet samya

    mila Sang Kristus manjal ma tedhak donya

    ngurbanken srira nylamet ken manungsa

reff : yogya tampanana sih rahmating Gusti

       temahan sira mang gih urip sayek ti

       tentrem raharja tansah ngerobi sira

       wasana ngrasuk  kasampurnan swarga.

2. Saben tyang rebut bener mlebet mring swarga, 

   ngambah margi pilihannya pribadya, 

   nging mung tyang pracaya sarta olah tresna, 

   yeku kang ndherek Gusti mlebet swarga,

reff : yogya tampanana sih rahmating Gusti

       temahan sira mang gih urip sayek ti

       tentrem raharja tansah ngerobi sira

       wasana ngrasuk  kasampurnan swarga.

Read More

KPK 161.

TYANG KANG PRACAYA

1. Tyang kang pracaya tetep waluya yen nunggil Sang Pamarta

    lir  pang datan alum lamun tetep ing wit ira

Reff: 

tyang kang tansah manut rehing Gusti mung kabegjan kang pi nanggya

bi nerkahan rinten lan ratri rineksa astanya.

2. Salir pra suci tuwuh basuki yen tan pegat Ian Gusti, 

    lir pang kang medal wohira yen tan pisah witnya,

Reff: 

tyang kang tansah manut rehing Gusti mung kabegjan kang pi nanggya

bi nerkahan rinten lan ratri rineksa astanya.

3. Tyang kang pracaya badhe sampuma karana Sang Pamarta, 

    lir pang kang kathah wohira mung karana witnya,

Reff: 

tyang kang tansah manut rehing Gusti mung kabegjan kang pi nanggya

bi nerkahan rinten lan ratri rineksa astanya.

4. Tyang kang pracaya nging tanpa laku mesthi manggih bebendu, 

    lir pang kang tan ana wohnya pinagas dyan sima,

Reff: 

tyang kang tansah manut rehing Gusti mung kabegjan kang pi nanggya

bi nerkahan rinten lan ratri rineksa astanya.

Read More

KPK 162.

DHUH GUSTI PEPADHANG YEKTI

1. Dhuh Gusti Pepadhang yekti mugi  nuntun kula 

    ngambaha margi utami  nggih bebener nyata.

2. Dhuh Gusti nggih Sang Pamarta mugi nunggil kula,

    ing sangsara lan bebaya tan semplah ing driya.

3. Dhuh Gusti nggih Sang Roh Suci mugi nganthi kula, 

    tansah gesang mursid yekti teguh ing pracaya.

4. Dhuh Gusti yeku Sang Sabda mugi nglanting kula, 

    sesanggening tyang pracaya tansah katindakna.

5. Dhuh Gusti Sang Pangen nyata mugi ngreksa kula, 

    nadyan rinoban bilai manggiha basuki.

Read More

KPK 163.

PITOBAT

1. Biyen nglirwakake sabdaning Gusti

    mung karepe dhewe kang dituruti

    samangkya mratobat nampi sih rahmat

    migatosken tansah karsaning Allah

Reff:

mring Yesus Pamarta pasrah jiwa raga

sinung gesang yekti unggul sing pati.

2. Biyen nggunggung dhiri mburu kadonyan, 

    tan nggape mring Gusti nyingkur kaswargan,. 

    mangkya anoraga ngendelken Gusti, 

    mempeng nggayuh swarga mbabar sih yekti,

Reff:

mring Yesus Pamarta pasrah jiwa raga

sinung gesang yekti unggul sing pati.

3. Biyen urip mblunthah mursal ing lampah, 

    nguja hawa raga manut ing dosa, 

    mangkya mesu budi ing lampah suci, 

    martosken Injilnya maring pepadha, 

Reff:

mring Yesus Pamarta pasrah jiwa raga

sinung gesang yekti unggul sing pati.

Read More

KPK 164.

AGUNGING SIH RAHMAT

1. Sestu adi wah gung yekti sih rahmat sing Gusti

    nylametken kula tyang dosa dyan tentrem raharja

2. Nggih sih rahmat kang sung begja mring tyang kang pracaya, 

    sing pejah wit rehing dosa mangkya gesang nyata.

3. Sih rahmat niku sung padhang mring manah kang lesah,

    nuntun tyang mursal wah nglambrang setya bekti Allah.

4. Nadyan kathah pepalangnya nyanggi salib ugi,

    nging sih rahmat nuntun kula tulus tresna Gusti.

5. Yen sampurnaning sih rahmat binabar sanyata, 

    kula manunggal tan pegat lan Gusti ing swarga.

Read More

KPK 165.

JATINING KATRESNAN

1. Lamun kula anglampahi tindak luhur mulya

    nging yen tanpa tresna yekti muspra tanpa gina

Reff :

kula winulanga tansah lampah tresna lelabet sesami nulad tindaking Gusti 

kula winulanga tresna trusing ati nggih nuladha tindaking Gusti.

2. Lamun kula angucapna gung basa ing donya,

    nging yen sepi ing katresnan lir gong bendhe ngangkang,

Reff :

kula winulanga tansah lampah tresna lelabet sesami nulad tindaking Gusti 

kula winulanga tresna trusing ati nggih nuladha tindaking Gusti.

3. Lamun kula andanakna bandha dalah nyawa, 

    nging mung krana tuhu tresna pituwase nyata,

Reff :

kula winulanga tansah lampah tresna lelabet sesami nulad tindaking Gusti 

kula winulanga tresna trusing ati nggih nuladha tindaking Gusti.

4. Tresna iku sepi pamrih wah luber ing budi,

    tan gumunggung lembah manah tansah andum berkah,

Reff :

kula winulanga tansah lampah tresna lelabet sesami nulad tindaking Gusti 

kula winulanga tresna trusing ati nggih nuladha tindaking Gusti.

5. Tresna iku sabar drana tulus angapura,

    tepa slira wah jatmika myang lampah utami,

Reff :

kula winulanga tansah lampah tresna lelabet sesami nulad tindaking Gusti 

kula winulanga tresna trusing ati nggih nuladha tindaking Gusti.

Read More

KPK 166.

ORA ET LABORA

1. Ora et labora ndedonga makarya yeku  sesantinya  sagung tyang pracaya

    mbangun jagad donya temah gesang raharja Ora et labora ndedonga ma karya.

2. Ora et labora ndedonga makarya mbangun nagri-praja, nusa sarta bangsa 

    Gusti ingkang nganthi lelabet trusing ati Ora et labora ndedonga makarya.

3. Ora et labora ndedonga makarya ngladosi sesami wit tresna sayekti

    nyirnaken panandhang wah mbrastha kasangsaran Ora et labora ndedonga makarya.

4. Ora et labora ndedonga makarya mbelani sesami mrih gesang basuki 

    ngudi kaadilan bener wah kajujuran Ora et labora ndedonga makarya.

Read More

KPK 167.

 PANUNTUNING GUSTI

1. Allah Rama ngreksa ngrimati kula ka-begjan kraharjan kang pinanggya

    lamun nyanggi momotan lan sangsara tinunggil mrih tan ngantos semplah,

reff :

kula pasrah lan sumarah mring Gusti panuntunnya wus mesthi prayogi

ing  wusananya kula dugeng  swarga satuhu ngrasuk gesang sampurna.

2. Yesus Gusti nebus kula tyang dosa, wah ngiyatken kula gesang suci,

    manggul salib wit ndherek Sang pamarta, nekseni margining basuki.

reff :

kula pasrah lan sumarah mring Gusti panuntunnya wus mesthi prayogi

ing  wusananya kula dugeng  swarga satuhu ngrasuk gesang sampurna.

3. Sang Roh Suci nuntun kula mring swargi, ing lampah utami manut Gusti, 

    labuh labet mbabar adil satuhu, bebener wah tentrem rahayu,

reff :

kula pasrah lan sumarah mring Gusti panuntunnya wus mesthi prayogi

ing  wusananya kula dugeng  swarga satuhu ngrasuk gesang sampurna.

Read More

KPK 168.

NDEDONGA LAN MAKARYA

1. Ndedonga lan makarya kanthi trusing driya mbabarken sihing Gusti mring sagung sesami

    murih tentrem raharja sumrambah sadonya asmanya kang Mamulya pinuji slaminya.

2. Ndedonga lan makarya kanthi sukarena, martosken Injil suci wrata ing sabumi, 

    mrih sih rahmating Gusti tinampi sesami, temah samya wilujeng sarta gesang langgeng.

3. Ndedonga lan makarya mrih tansah waspada, yen tinempuh panggodha tan gumiwang tiba, 

    manggul salib wit Gusti manut ing prentahnya, tansah setya ngabekti Ian manteb pracaya.

Read More

KPK 169.

SUMARAH MRING ALLAH

1. Sumarah mring Allah jiwa raga rineksa astanya tansah begja

    yen rinoban sisah manah datan lesah sinung kakiyatan sing Pangeran.

2. Sumarah mring Allah jiwa raga, mbangun turut Gusti trusing ati, 

    yen ginoda dosa binujuk duraka, kekah sarta setya ing pracaya.

3. Sumarah mring Allah jiwa raga,rinoban ing berkah ayem nyata,

    yen nyanggi momotan dalasan panandhang, mesthi den tuwari dening Gusti.

4. Sumarah mring Allah jiwa raga, rinimat, rineksa ing sih mirma, 

    yen ingarah pati wit bebener yekti, manteb dugeng janji Gusti nganthi.

5. Sumarah mring Allah jiwa raga, tinuntun ing sabda dugeng swarga, 

    yen wonten bilai wah miris ing ati, sinung lipur yekti sing Roh Suci.

Read More

KPK 170.

GUSTI MUGI NUNTUN KAWULA

1. Gusti mugi nuntun kawula tansah setya ndherek Paduka

    nadyan awrat momotanira nging ku-la tansah manggih  begja.

2. Gusti mugi nglanting kawula ngambah margi bebener nyata, 

    nadyan rumpil kathah bebaya nging tatag tan semplah ing driya.

3. Gusti mugi nunggil kawula nglawan salir pangrehing dosa, 

    temah kula unggul ing yuda manggih kasampurnan ing swarga.

Read More

KPK 171.

UTUSANING GUSTI

1. Ing jagad kang peteng krana dosa kathah tyang kang sulayah

    awrat ing panandhang mila nggresah samya semplah ing manah

Refr:

sumangga Gusti ngagem kawula  mbabar tresna kang sanyata

sumangga Gusti ngutus kula  numrahken berkah dhateng tyang kathah.

2. Angundhangken sih rahmating Gusti lelabet wah leladi, 

    margining tyang luwar sing sangsara temah samya raharja, 

Refr:

sumangga Gusti ngagem kawula  mbabar tresna kang sanyata

sumangga Gusti ngutus kula  numrahken berkah dhateng tyang kathah.

3. Ngundhangken Injil kratoning swarga klayan tumindak nyata, 

    pangluwaran sing kwasaning dosa temah gesang sembada, 

Refr:

sumangga Gusti ngagem kawula  mbabar tresna kang sanyata

sumangga Gusti ngutus kula  numrahken berkah dhateng tyang kathah.

Read More

KPK 172.

TANSAH PADHA BEBUNGAHA

1. Tansah padha bebungaha krana kabegjan sanyata

    de kita samya tyang dosa nging tinebus sing antaka

Reff:

tansah bungah ing patunggilaning Gusti

tansah bungah wit sinung gesang sayekti.

2. Tansah olah kabecikan leladi tan mawang mring tyang 

    yeku pratandhaning sokur mring sihing Allah Maluhur 

Reff:

tansah bungah ing patunggilaning Gusti

tansah bungah wit sinung gesang sayekti.

3. Tansah manteb ing pracaya. tan sumelang wah tan wedi 

    tegen nyenyuwun ndedonga pasrah wit Gustimu nganthi 

Reff:

tansah bungah ing patunggilaning Gusti

tansah bungah wit sinung gesang sayekti.

4. Tansah padha bebungaha wit tentrem raharja nyata 

    Gustimu ngreksa slaminya sawutuhing gesangira 

Reff:

tansah bungah ing patunggilaning Gusti

tansah bungah wit sinung gesang sayekti.

Read More

KPK 173.

KORBAN SEJATI

1. Saosna badanmu mrih dadya korban

    kang gesang lan suci konjuk Pangeran

    yeku pangibadah ingkang sejati

    tandha sokur tansah mring sihing Gusti.

2. Ywa madha ing rupa kalayan jagad 

    nging salina budya krana sih rahmat 

    dipadha niteni karsane Gusti 

    salir kang prayogi sampurna yekti.

Read More

KPK 174.

NULADA SANG PAMARTA

1. Dipadha  sarujuk tunggal tresna tunggal budi lan tunggal sedya

    wah samya andhap asor ing lampah nulada mring Sang Kristus tansah  

Reff.

Kristus Gusti Allah yekti nging manjalma ngesoraken dhiri 

wah dadya abdi sinalib seda yeku babaring tresna sanyata.

2. Rame ing gawe ing pamrih sepi tan mung mikir badan pribadi 

    nging migatosna ing liyan ugi nulada mring Sang Kristus Gusti 

Reff.

Kristus Gusti Allah yekti nging manjalma ngesoraken dhiri 

wah dadya abdi sinalib seda yeku babaring tresna sanyata.

3. Remen ngalah wit luhur ing budi nobatken srana tresna yekti

    kang den arah mung krahajan nyata nulad tindake Sang Pamarta 

Reff.

Kristus Gusti Allah yekti nging manjalma ngesoraken dhiri 

wah dadya abdi sinalib seda yeku babaring tresna sanyata.

Read More

KPK 175.

TIYANG RAHAYU

1. Rahayu kang mlarat ing budi witdarbe Kraton swargi

    rahayu tyang kang prihati wit nampeni panglipur yekti

reff :

Sang Kristus Guru sejati sabdanya den lampahi

Yoga den tut wuria prentahnya den estokna

2. Rahayu tyang alus budi nggih kang marisi bumi

    kang luwe mring kasampurnan nggih mesthi badhe katuwukan 

reff :

Sang Kristus Guru sejati sabdanya den lampahi

Yoga den tut wuria prentahnya den estokna

3. Rahayu tyang kang welasan wit tinresnan Pangeran

    salir tyang resik ing manah kepareng sowan ngarseng Allah 

reff :

Sang Kristus Guru sejati sabdanya den lampahi

Yoga den tut wuria prentahnya den estokna

4. Rahayu tyang kang ngrukunken yeku pra putreng Allah 

    kang kinuya wit kayekten yeku kang darbe kraton swarga 

reff :

Sang Kristus Guru sejati sabdanya den lampahi

Yoga den tut wuria prentahnya den estokna

5. Rahayu kang den pitenah krana bekti mring Allah

    tansah mbangun turut Gusti ngudl ing gesang mursid yekti 

reff :

Sang Kristus Guru sejati sabdanya den lampahi

Yoga den tut wuria prentahnya den estokna

Read More

KPK 176.

KANG PINUNJUL KATRESNAN

1. Tyang kang sagah ngurbanken dhiri leladi ing pamrih sepi

    mung tyang kang mbabar tresna nyata nulad tindake Sang Pamarta

Reff :

yekti amung telung prakara pangarep-arep lan pracaya  

sarta  katresnan nyata lelabet trusing driya ingkang  pinunjul tresna

2. Kang mbelani tyang ringkih papa, mrih darbe aji manungsa

    nggih tyang kang watek asih tresna kumedah nglantarken berkah

Reff :

yekti amung telung prakara pangarep-arep lan pracaya  

sarta  katresnan nyata lelabet trusing driya ingkang  pinunjul tresna

3. Tyang kang ngrukunken tyang sulayan tansah ngarah katentreman

    mung tyang kang olah ing katresnan wah nebihi ing kekerasan

Reff :

yekti amung telung prakara pangarep-arep lan pracaya  

sarta  katresnan nyata lelabet trusing driya ingkang  pinunjul tresna

Read More

KPK 177.

GUSTI YESUS RATU ADIL

1. Ratu adil kang sejati saestu  namung sawiji 

    yeku  Sang Kristus Gusti mengku swarga lan jagad rat nggih Panutaning pra umat 

    pinujia tan kendhat pinujia tan kendhat

2. Ratuning tentrem raharja kang luber ing sih rahmatnya 

    mring sagunging manungsa Ratuning kratoning Allah pangwasanya langgeng tansah

    Sinembah salir titah, Sinembah salir titah

3. Kratonira katentreman pranatannya kaadilan 

    prajuritnya katresnan pangrehe bebener nyata peparinge gesang begja 

    pinujia slaminya, pinujia slaminya.

4. Sagunging tyang kang pracaya ngayom nggih dadya abdinya 

    tansah sinung raharja uwal sing pangrehing pati benjang sampurna ing Swargi

    mila tansah memuji mila tansah memuji.

Read More

KPK 178.

GUSTI PEPADHANGING JAGAD

1. Gusti pepadhanging jagad gung luber ing sih rahmat

    asihmring salir manungsa Samya den wilujengna 

    tinuntun mring margi padhang manunggil lan Pangeran

    gesang mursid yekti tansah mbangun turut mring Allah.

2. Gusti pepadhang sejati nggih kang nganyarken budi 

    nglipur tyang susah ing manah ngiyatken tyang kang semplah 

    nyantosakken ing pracaya mrih unggul nglawan dosa 

    mring Allah tansah ngabekti wah nresnani sesami

3 Gusti pepadhang sing swarga sung gesang langgeng nyata 

    salir tyang ngayom ing sihnya sinung ayeming driya 

    tinuwukan srana berkah kasampurnan den arah 

    tinuntun ing sabda suci tansah ngener mring swargi.

Read More

KPK 179.

PANARIMA

1. Dhuh nyawaku den marema, Allah nunggil mring sira

    Samubarang solan salin Allah tan owah gingsir.

2. Sadulur mitra myang tangga tan salaminya setya

    nging Allah kang Maha mirah tansah ngluberken berkah.

3 Kathah tyang samya wiyaen tan nrimah ing kanyatan 

    ngangah-angah kang tan ana yektine tan keduga.

4. Dhuh nyawaku den marema wah aja sira ngangsa 

    sumendhe mrlng Allah Rama uripmu mesthi begja

Read More

KPK 180.

NGATURAKEN PISUNGSUNG

1. Pisungsung konjuk mring Gusti tan mung sapra sedasan

    berkahnya rina lan wengi datan kenging ingetang

    sawernaning kang pangaji konjuk ngarsaning Pangeran

2. Nulad randha miskin nyata nging loma pisungsungnya 

    sadaya kang den darbeki den saosken mring Gusti, 

    sawetahing gesang kula konjuk Allah Kang Makwasa.

3. Pisungsung kang trus ing ati karenan ngarseng Gusti, 

    kamirahannya ndhawuhi tyang ajrih asih yekti, 

    kanthi setya kula tansah lelados bekti mring Allah.

Read More

KPK 181.

SAOSAN SOKUR

1. Kula ananem wiji taberi ngrimati

    nging tuwuh miwah suburnya Allah kang mberkahi

    Pangeran paring jawah lan sunaring surya

    wah saliring wohira nggih berkahing Rama

Reff :

Sumangga misungsung kanthi trusing manah

sadhengah barang darbe kita konjuk mring Allah.

2. Kula sengkut makarya ing saliring kardi

    wit iku dados marginya berkah saking Gusti 

    sawarnining pakaryan tan ana kang nistha 

    asil gedhe cilaka mesthi murakabi. 

Reff :

Sumangga misungsung kanthi trusing manah

sadhengah barang darbe kita konjuk mring Allah.

3. Kasarasan karosan berkahing Sang Rama 

    kapinteran kaprigelan wah aruming nama 

    ywa nganti anjalari gumunggunging ati

    ing sagunging kahanan ngluhurken Pangeran. 

Reff :

Sumangga misungsung kanthi trusing manah

sadhengah barang darbe kita konjuk mring Allah.

Read More

KPK 182.

RIYADIN SAOSAN

1. Pra tyang pracaya sagung sumangga sung pisungsung

    konjuk Gusti  Makwasa ing dinten Pentakosta

    wit berkahing Pangeran tyang nenanem panenan

    kasil tyang kang makarya kabegjan kang pinanggya.

2. Wulu wetuning bumi dalah wohing makarti, 

    sinaosken mring Gusti kanthi tulus ati 

    sinartan karameyan bludaging kabingahan

    dene berkahing Allah tan kendhat tansah tumrah.

3. Ing dinten Pentakosta dinten kang sestu adya

    nggih riyadin saosan sung pisungsung mirunggan, 

    wit pangreksaning Gusti pasamuwan lestari, 

    tuwuh sarta ngrembaka kalis sing gung rubeda.

Read More

KPK 183.

PISUNGSUNG MIRING KANG MALUHUR

1. Gusti Kang Maluhur kula saos sokur

    sung pisungsung klayan bingah wit lubering berkah

    mugi dados marginira asma Paduka pinuja,

    karsanta binabar nyata kraton swarga rawuha

    Amin, Amin, Amin

2. Gusti Kang Maagung kula sung pisungsung 

    dados srananira greja leladi makarya 

    mbabarken tresnaning Allah 

    sumrambah mring tiyang kathah,

    temahan Gusti pinuji ing jagad lir ing swargi, 

    Amin, Amin, Amin

Read More

KPK 184.

PISUNGSUNG WIT KAMIRAHANING PANGERAN

1. Kula tansah ngraosken bingah wit sih kamirahaning Allah

    ngganjar kawilujengan nyata Iantaran kurbaning Sang Putra

    mila kula saos pisungsung tandha sokur mring Allah Maagung

    wit yektine gesang kula namung krana lubering sih rahmatnya.

2. Kula tansah manggih kabegjan wit karoban ing kamirahan, 

    saliring kabetahan kula kacekapan ing wancinira,

    mila kula saos pisungsung tandha sokur mring Allah Maagung, 

    wit yektine gesang kula namung krana lubering sih rahmatnya.

3. Kula sinungan kasarasan krana sih mirahing Pangeran 

    temahan saged nambut kardi margine manggihken rejeki, 

    mila kula saos pisungsung tandha sokur mring Allah Maagung, 

    wit yektine gesang kula namung krana lubering sih rahmatnya.

Read More

KPK 185.

PISUNGSUNG KONJUK MRING ALLAH

1. Konjuk mring Kang Maha agung kawula sung pisungsung

    cihnaning bingahing rnanah wit berkahing Allah

    sumengka wah sinengkera Ian temen rineksa

    dadya srana munpangati mrih kamulyaning Gusti.

2. Konjuk Allah kang Maluhur kawula saos sokur, 

    kebabaring raos urmat wit tansah rinimat, 

    dalah gesang kula mugi kagem dening Gusti,

    dadya lantaraning berkah tumraha miring tyang kathah

3. Konjuk ing ngarsaning Allah kawula sung panrimah, 

    tandha ajrih asih kula wit gung sih rahmatnya, 

    mugi Gusti nggih karenan temah binerkahan 

    dadya margi Kratoning Allah binabar neng bumi

Read More

KPK 186.

PISUNGSUNG KONJUK MRING GUSTI

1. Jagad nampik sihing A1lah nyingkur mring Sang Pamarta

    nging kula  pracaya pasrah ngraosken sih rahmat nya

reff :

mangga sru ngidung ngunggung Hyang Widi wah sung pi sungsung konjuk mring Gusti

ngaturken pratandha sokur  krana berkahnya mancur.

2. Jagad ndlarung aneng. dosa tansah mburu kadonyan,

    kula bekti mring Sang Rama wit rino6an kabegjan,

reff :

mangga sru ngidung ngunggung Hyang Widi wah sung pi sungsung konjuk mring Gusti

ngaturken pratandha sokur  krana berkahnya mancur.

3. Jagad manut rehing pati kang dugeng nraka langgeng, 

    kula tinuntun Roh Suci ing manah ayem tentrem, 

reff :

mangga sru ngidung ngunggung Hyang Widi wah sung pi sungsung konjuk mring Gusti

ngaturken pratandha sokur  krana berkahnya mancur.

4. Jagad remen ing pablunthah ngendhem sengit lan drengki, 

    kula'dadya putreng Allah mila tresna sesami, 

reff :

mangga sru ngidung ngunggung Hyang Widi wah sung pi sungsung konjuk mring Gusti

ngaturken pratandha sokur  krana berkahnya mancur.

Read More

KPK 187.

PISUNGSUNG JIWA RAGA

1. Jiwa raga kawula konjuk mring Sang Pamarta

    mugi dados lantaran kamulyaning Pangeran  kamulyaning Pangeran

2. Tangan suku kawula nindakken pakaryannya, 

    mrih sesami basuki nampeni sihing Gusti, nampeni sihing Gusti

3 Dalah kedaling ilat nggih ngundhangken sih rahmat, 

    temah asmaning Gusti datan kendhat pinuji, datang kendhat pinuji

4. Bandha lan kasugihan, wegdal wah kasagedan, 

    nggih gesang sawetahnya dadya pisungsung nyata, dadya pisungsung nyata.

Read More

KPK 188.

ASUNG  PISUNGSUNG

1. Sumangga sung pisungsung mring A1lah Ma agung

    krana gunging sihrahmat kang luber tan kendhat

2. Misungsung kanthi loma cihnaning panuwun, 

    de gesang tansah begja wit Allah kang nuntun

3. Bandha, arta pethingan kang katur mring Gusti, 

    bludaging kabingahan wit berkah tan sepi.

4. Saos pisungsung kathah cacahnya tan tim'bang, 

    lan gung berkahing Allah tan kenging winilang.

Read More

KPK 189.

SABDANING ALLAH

1. Sabdeng Allah Hyang Widi seksinya kitab suci

    pepadhanging manungsa ing margi dugeng swarga

2. Sabdeng Allah Masuci wewaton gesang adi

    kang mireng wah nindakna manggya tentrem raharja.

3. Sabdeng Allah Mamulya Nggih tetedhaning nyawa 

    tyang nggayuh kasunyatan samangkya tinuwukan

4. Sabdeng Allah Makwasa tameng nglawan panggodha 

    sampurna piwulangnya njangkepken tyang pracaya.

5. Sabdeng Allah Pangeran nggih badhe kalampahan 

    kang mokal datan ana wit agung pangwasanya.

Read More

KPK 190.

TYANG KANG MANUT ANGGER-ANGGER

1. Rahayu  tyang utami ing lampah ngambah margi prentahing Sang Yehuwah

    rahayu kang netepi sabdanya

    tyang kang manut ing sapangrehe Gustisarta tansah telaten netepi

    sakarsane klawan eklas ing ati.

2 Marginira tyang lampah utama nggih tyang anem jujur ing lampahira 

    mbangun turut mring sabdaning Allah 

    ngupadi Allah Ian gumolong ati wah ngandhemi prasetyaning Gusti 

    nyingkiri dosa, panerak, pamblunthah.

3. Gusti mugi ngirid lampah kula manut sabdeng suci ing salaminya 

    tansah karem gesang mursid nyata 

    cacading gesang kula kasingkirna temah kula temen trus ing manah 

    nindakken pranataning Sang Yehuwah,

4 Sabdaning Allah kang dadya dilah madhangi kula murih mursid tansah 

    nggih nuntun kula bekti mring Allah 

    kula supaos nedya den tetepi ngestokken sagung prentahe Gusti 

    tan wigih kangelan dugeng ing janji

Read More

KPK 191.

ANGGER-ANGGERE PANGERAN

1. Angger angger suci peparinging Gusti

    sanyata sampurna,paring pangalaman

    lan kawicaksanan wah nyegerken nyawa

    dhawuhipun Allah mbingahken ing manah

    wit patitis sayeti prentahe Pangeran

    dhatengken kraharjan krana saestu murni

2. Ajrih sih mring Gusti yeku lampah suci lestantun slaminya, 

    sabdeng Kang Murbengrat leres tanpa cacat wah adil sadaya, 

    linangkung endahnya munjuli sesotya Ian sabarang kang peni,

    dalah madu tala kasor raosira wit nengsemken ing ati.

3. Tyang setya ngabekti manut rehing Gusti karoban ing berkah, 

    sagung kang netepi dhawuh-sabdeng suci rineksa ing Allah, 

    sajroning panggodha wah yen den paeka tan sande linuwaran, 

    tyang mursid gesangnya wah tulusing driya kanggenan ing kabegjan

Read More

KPK 192.

UNDHANGNA SABDENG ALLAH

1. Panuntun lampah utama yeku sabdaning Allah

    wulangna mring brayatira tan kendhat saben wayah

Reff :

bra undhangna sabdeng Allah paseksi sih rahmatnya

mrih samya manggih raharja sinungan gesang nyata

2. Pra lare tansah pinerdi mirengken sabdeng Gusti

    sarta tinuntun nindakna srana tuladha nyata

Reff :

bra undhangna sabdeng Allah paseksi sih rahmatnya

mrih samya manggih raharja sinungan gesang nyata

3. Brayat saiyeg ngabekti ndedonga Ian memuji 

    nggegilut sabdeng sing swarga dhasaring gesangira

Reff :

bra undhangna sabdeng Allah paseksi sih rahmatnya

mrih samya manggih raharja sinungan gesang nyata

4. Brayat nyawiji ing ati karem mring sabdeng suci 

    samya silih mbiyantoni ing gesang mursid yekti

Reff :

bra undhangna sabdeng Allah paseksi sih rahmatnya

mrih samya manggih raharja sinungan gesang nyata

Read More

KPK 193.

MUNG SAWIJI KABEGJAN SEJATI

1. Lamun lampah kula neng padhanging sabda kula bingah wah suka rena,

    Kula yakin estu Gusti nuntun temtu mring tyang kang pitados satuhu

Reff :

mung sawiji kabegjan sejati nggih pitados mring Gusti wah manut lan bekti

2. Yen peteng ing manah kabidhung ing susah kula enggal nilingken sabda,

    uwas myang kuwatir mesthi gya sumingkir, angger pasrah ngayom ing sihnya

Reff :

mung sawiji kabegjan sejati nggih pitados mring Gusti wah manut lan bekti

3. Iba begja kula sajroning panggodha kiniyatken dening sabdanya,

    rineksa tan dhawah wah tan ngantos lesah, wit saking sih rahmating Allah

Reff :

mung sawiji kabegjan sejati nggih pitados mring Gusti wah manut lan bekti

Read More

KPK 194.

SABDENG SUCI

1. Undhangna wrata sajagad sabdeng Injil Suci

    nggih paseksining sih rahmat sabdeng Injil Suci

    mrih saking manungsa sinung gesang nyata

reff :

sabdeng suci,sabdeng suci nggih sabdaning Gusti

sabdeng suci,sabdeng suci nggih sabdaning Gusti

2. Undhangna wrata sabumi sabdeng Injil Suci

    margining tyang gesang yekti, sabdeng Injil Suci

    pepadhang sanyata, panuntun mring swarga

reff :

sabdeng suci,sabdeng suci nggih sabdaning Gusti

sabdeng suci,sabdeng suci nggih sabdaning Gusti

3. Undhangna wrata sadonya sabdeng Injil Suci

    margining tyang tuhu rarja sabdeng Injil Suci

    adya putreng Allah, tansah sinung berkah

reff :

sabdeng suci,sabdeng suci nggih sabdaning Gusti

sabdeng suci,sabdeng suci nggih sabdaning Gusti

4. Undhangna mring sagung bangsa sabdeng Injil Suci

    margining tyang dugeng swarga sabdeng Injil Suci

    ngayom Sang Pamarta ayem sinung begja

reff :

sabdeng suci,sabdeng suci nggih sabdaning Gusti

sabdeng suci,sabdeng suci nggih sabdaning Gusti

Read More

KPK 195.

ISINING KITAB SUCI

1. Isining kabar kabingahan winangsitken dening Pangeran

    dadya srana suka piwulang margining kautaman

reff :

dimen tyang pitados tansaha rumantos

mbangun turut Gusti nresnani sesami

2. Tyang lepat kraos winelehna dening sabdaning Kang Ma'kwasa

    tyang dosa gya samya mratobat nampenana sih rahmat

reff :

dimen tyang pitados tansaha rumantos

mbangun turut Gusti nresnani sesami

3. Tyang lesah sinung lipur nyata karana kwasaning sang sabda

    wewatekan mindhak utama wah kekah ing pracaya

reff :

dimen tyang pitados tansaha rumantos

mbangun turut Gusti nresnani sesami

Read More

KPK 196.

SABDANIPUN ALLAH

1. Sabdaning A1lah Hyang Widi yeku kitab suci

    panuntuning gung manungsa mring lampah utama

    wah mbereg mring pitobat tyang ngorong sih rahmat

    nglipur manah kang sisah ngiyatken kang semplah

2. Mugi sabdanipun Gusti sinerat ing ati,

    budi saya mindhak murni wit rehing Roh Suci, 

    tresna mring mengsah ugi wah dhateng sesami, 

    mbabar bebener nyata wah tentrem raharja.

3. Sabdeng Allah Maha tresna den undhangna wrata, 

    winulangna dhateng brayat ]an grengsenging tekad, 

    ing dalu, enjing, siang mrih tuwuhing iman, 

    tansah setya ngabekti klayan trusing ati.

Read More

KPK 197.

KEMBUL BUJANA SUCI

1. Kula  sami sesarengan kembul bujana suci

    yeku pratandhaning kurban nggih kurbanipun Gusti

    roti anggur ibaratnya sarira miwah rahnya

2. Bujana suci puniki sesengkeraning Gusti,

    ingkang den agem sarana ngrimat pitados kula, 

    temahan saged ngarosken tentrem rahayu langgeng.

3. Kembul ing bujana suci martosken sihing Gusti, 

    denya anglampahi seda dados panebus kula, 

    samangke kita nekseni dimen jagad ngugerni.

4 Mila kang sawiyah-wiyah tan pantes pisowannya, 

    kedah kanthi panalangsa nggetuni dosanira, 

    kalayan manteb ing manah ajrih asih mring Allah.

Read More

KPK 198.

PAMUJI ING BUJANA SUCI

1. Dhuh nyawaku sira saosa puji mring Pangeran Allah Kang Maha suci

    sabatinku ngluhurna asmane dhuh nyawaku Yehuwah kamulyakna

    aja lali mring gunging kadarmannya elingana sawiji wijine

2. Pujinen kang ngapura dosanira kang marasken sagung lelaranira 

    nebus uripmu saking antaka kang ngerobi sira klawan kawlasan 

    wah maregi umurmu Ian kadarman myang ngenomke kakuwatanira

3. Yehuwah paring adil kang sanyata mring saliring wong kang kinaniaya 

    saklangkung dennya sung palimirma agung sabare Ian sih kadarmannya 

    datan salaminya nggenira duka wah bebendunya den sirep nulya.

4. Sepira dhuwure langit sing bumi samono sih kadarmane Pangeran 

    mring wong kang nyaosi pangabekti sepira dohe kulon saka wetan 

    samono nggenira ngedohken dosa wah panerak sing tyang kang pracaya

5. Kadya welasing bapa mring anaknya mangkono Allah dennya asih darma 

    mring wong kang nyaosi pangabekti mila slamanya yogya den pepuji 

    kamulyane den caritakna yekti mrih sagunging manungsa ngabekti

6. Pangeran Yehuwah ambeg welasan wah tansah ngegungken ing kasabaran 

    sih susetyane langgeng slawase wah enggal sirep duka bramantyane

    nging tansah ngluberken sih mring tyang dosa tyang kang lepat mesthi den apura.

Read More

KPK 199.

BUJANA SWARGA

1. Wonten ing bujana swarga taksih langkung panggenan

    angger tyang dosa mratobat mesthi nggih sinuruhan

    Gusti ngutus pra abdinya ngundhangken ing sajagad

    dhateng sawarnining jalma kang ngrumaosi cacad

Reff :

Rungokna neng swarga isih luwih panggonan

wong dosa mareka sira kang sinuruhan

2. Bujana suci samangkya mbabar rasukan swargi,

    anggur roti ibaratnya patunggilaning Gusti,

    nggih kasucen, katentreman wah karahayon sanyata 

    miwah sih rahmating Allah kang ingundhangken tansah, 

Reff :

Rungokna neng swarga isih luwih panggonan

wong dosa mareka sira kang sinuruhan

3. Mila swawi kanca kula samya marek mring Gusti,

    kang tan nampik tiyang dosa kang adreng dados suci, 

    sinten rumaos klepatan wah kawratan ing dosa,

    anilingna sabdeng Allah kang ngundhangken sih rahmat,

Reff :

Rungokna neng swarga isih luwih panggonan

wong dosa mareka sira kang sinuruhan

Read More

KPK 200.

BUJANA SUCI

1. Bujana suci ngengetna mring sih rahmating Allah

    anggur roti mratandhani korbane Sang Kristus Gusti

    ngluwar kula sing pati temah langgeng basuki

2. Bujana suci ngengetna kurbaning Sang Pamarta

    yogya tansah den undhangna ngantos Sang Kristus wus prapta 

    ngadili gung manungsa wah nyampurnakken greja.

3. Bujana suci nandhani tyang pracaya nyawiji 

    samya silih mbiyantoni ngudi kamursidan yekti 

    nggayuh ing kasampurnan tinunggil ing Pangeran.

4. Bujana suci ngengetna tyang Kristen neksenana

    Allah rukun lan manungsa krana gunging sih rahmatnya 

    mila mbabarna tresna rukun lan gung pepadha.

Read More

KPK 201.

TIMBALAN NDEREK ING BUJANA

1. Gusti nimbali kula samya nderek ing sakramen bujana

    nggih tetunggilan klayan Gusti sarta nyawiji lan sesami

    sih sinihan binabar nyata silih leladi den tindakna

    nging kula asring tan lampah tresna adhuh Gusti nyuwun pangaksama

2. Sakramen Bujana ngengetna kurbaning Sang Kristus Pamarta

    anggur roti pratandha yekti margining tyang dosa basuki

    tepang klayan Allah Masuci sarta rukun klayan sesami

    nging kula taksaih asring perdondi adhuh Gusti kula nyuwun suci

3. Bujana kang suci nimbali pasamuwan samya nyawiji

    lir badan kang namung sajuga namging kathah peranganira

    wit niku paeksi sanyata Kristus Juru Slamet manungsa

    nanging kula asring cecongkrahan dhuh Gusti ngapuntena mring kula

Read More

KPK 202.

 BUJANA KANG SESTU SAMPURNA

1. Kula sung pamuji sokur konjuk Hyang Maluhur

    kang nimbali kula samya nampeni nugraha

    ndherek ing bujana suci, bujana sing swargi,

    yeku karaharjan yekti nggih kamulyan adi,

    mbenjang yen wus mlebet swargi ing Kratoning Gusti,

    kula ndherek ing bujana kang sestu sampurna

Reff:

Yogya disetya temen pracaya

ngestokken sabdanya tansah olah tresna

gesang kang sembada

2. Kula samya sung pamuji konjuk Hyang Masuci 

    nadyan kula kathah cacad rinoban sih rahmat, 

    pareng ndherek bujananya tunggil pra pracaya, 

    angger tan ndlarung ing dosa manut rehing donya, 

    mbenjang yen Gusti wus prapta ngadili manungsa, 

    kula ndherek ing bujana kang sestu sampurna, 

Reff:

Yogya disetya temen pracaya

ngestokken sabdanya tansah olah tresna

gesang kang sembada

Read More

KPK 203.

BUJANA KANG SUCI

1. Tumurun sing swarga adi karaharjan sayekti

    pinaringken dening Gusti aneng  bujana kang suci,

    mareka tyang dosa sagung kang mratobat nyuwun tulung, 

    tam-panana anggur roti pralambang panebus yekti

2. Sih kang tan ana tandhingan yeku kurbaning gesang,

    dadya panebus sayekti mrih pra manungsa basuki, 

    timbangana klayan tresna mbangun turut trus ing driya,

    ing mbenjang ndherek bujana kang sampurna aneng swarga.

3. Pisungsung pratandha tresna sumaos Sang Pamarta, 

    sinartan lampah utami labuh labet mring sesami, 

    ngudi sakatoging budi mrih pasamuwan nyawiji,

    de yen sampun dugeng janji ndherek ing bujana swargi.

Read More

KPK 204.

 PANDADAR ING BUJANA

1. Dhuh Gusti kula sung puji ing bujana suci niki

    de ngraosken ing kraharjan wah kamulyan saking swarga

    tetunggilan lan Pangeran yogya kula ndhandha gesang.

2. Dhuh Gusti kula nglenggana mring dosa nggih lepat kula

    tan saged nguwalken dhiri sing rehing pati antaka

    mung ngegungken sih Paduka Allah Kang Mahawilasa.

3. Dhuh Gusti kula ngakeni sih Paduka agung yekti

    wit sedaning Kristus Gusti kula luwar saking pati

    sinungan gesang sejati langgeng wilujeng ing swargi.

4. Dhuh Gusti kula nampeni sih rahmat luber sing swargi 

    kula sumarah pracaya nggih ngayom mring Sang Pamarta 

    dinadosken putreng Allah kang tansah numrahken berkah.

5. Dhuh Gusti kula prajanji wus mesthi kula tetepi

    saos sokur datan kendhat tansah martosken sih rahmat 

    wah gesang mursid sayekti rameng gawe pamrih sepi.

Read More

KPK 205.

BAPTIS LARE

1. Gusti Yesus kula sami nyaosken lare alit

    mugi Gusti maringana pratandhaning sih rahmat.

2. Mugi Gusti njurungana ing pandonga kawula,

    anak kula lestantuna dadosa kagunganta.

3. Anak kula agengira dadosa tyang utami, 

    lestantuna angsala sih sing Gusti wah sesami.

4. Mugi Gusti mitulungi kula tyang sepuhira,

    kasagedna mulang yoga tansah bekti mring Gusti.

5. Gusti seda krana kula nggih krana anak kula,

    sagung dosa ingaksama sami pinundhut putra.

6. Baptis suci mratandhani sih Paduka dhuh Gusti, 

    kang njalari gesang suci yeku anyaring budi.

Read More

KPK 206.

BAPTISIPUN LARE ALIT

1. Dhuh Rama mugi ngluberna berkah wonten ing satengahing pasamuwan,

    dalah para anak kawula sowan nampeni prasetyanipun Allah.

2. Pasamuwan kadadosken suci wonten ing Asmaning Rama ing Swargi 

    pra lare ugi dados tyang piniji  wah pinaringan gesang sayekti.

3. Sang Roh Suci wah sabda Paduka nuntun pra lare manteb ing pracaya

    wit dosanya wus linebur binirat gesang mursid yekti wit sih rahmat.

4. Pra lare nggih misungsungken gesang de wus dados putreng Allah Pangeran

    mbabarken tresna nyebar karaharjan leladi mring greja Ian bebrayan.

Read More

KPK 207.

NYAOSKEN YOGA

1. Gusti  nimbali pra lare mrih sowan mesthi binerkahan sinung kraharjan

    de pra lare kang tuhu ing pracaya yeku ingkang darbe Kratoning swarga

Reff:

dhuh Gusti samangkya sowan kawula nyaosaken yoga dhateng Paduka.

2. Gusti nimbali pra lare mrih sowan nggih samya dados putraning prasetyan 

    de pra tyang sepuh kedah nggulawenthah nenuntun lare karem sabdeng Allah 

Reff:

dhuh Gusti samangkya sowan kawula nyaosaken yoga dhateng Paduka.

3. Gusti nimbali pra lare mrih sowan dados gegelitaning pasamuwan

    leladi mrih greja tuwuh ngrembaka wah bebrayan tansah tentrem raharja

Reff:

dhuh Gusti samangkya sowan kawula nyaosaken yoga dhateng Paduka.

Read More

KPK 208.

BAPTIS SUCI

1. Kawula samya bebingah memuji mring Allah,

    kang ngluberken sih rahmatnya mring kula tyang dosa

    wit panuntuning Roh Suci kula pitados mring Gusti

    temahan manggih wilujeng sinung gesang langgeng.

2. Kawula ngluhurken Gusti yeku Sang Pamarta, 

    kang maringken baptis suci mring pra kadang kula, 

    kinekahna ing pracaya manggul salib klayan setya, 

    tansah martosken Injilnya mrih sesami begja.

3. Gusti maringken prasetyan mring pra lare ugi,

    sinungan kawilujengan wah kamulyan swargi, 

    katandhan ing baptis suci kagulawenthah pinerdi, 

    nggih dadya putraning Allah kang numrahken berkah.

Read More

KPK 209.

KABINGAHAN WIT WONTEN BAPTISAN

1. Kabingahaning ati yekti tan wonten kang nglangkungi

    de kadang kang kula kasihi nampeni baptis suci,

Reff

dhuh Gusti mugi tansah mberkahana mrih mbabarna pracaya,

nekseni asmaning Sang Pamarta wah gesang sembada.

2. Kraharjan kang ngerobi driya tan wonten timbangannya, 

    de anak kang kula tresnani nampeni baptis suci, 

Reff

dhuh Gusti mugi tansah mberkahana mrih mbabarna pracaya,

nekseni asmaning Sang Pamarta wah gesang sembada.

3. Kabegjan kang kula tampeni tan saged den lironi,

    de nadyan kula tyang kang dosa nging wus baptis samangkya, 

Reff

dhuh Gusti mugi tansah mberkahana mrih mbabarna pracaya,

nekseni asmaning Sang Pamarta wah gesang sembada.

Read More

KPK 210.

RAWUHIPUN GUSTI

1. Dhuh Gusti kados pundi nggen kula sung urmat

    methukken klayan puji mring ratuning jagad

    mugi Gusti madhangi lantaran Roh Suci

    mrih nggen kula ngabekti mranani mring Gusti.

2. Sing dhampar kang sejati nggih kamulyan swargi, 

    Gusti tedhak ing donya nunggil lan manungsa, 

    tumut nandhang sangsara ngrembat kasisahan, 

    ngrukunken tiyang dosa dhumateng Pangeran.

3. Punapa kang njalari dhuh Ratuning swarga, 

    Paduka rawuh mriki karsa nandhang papa,

    mung sih piwlas Paduka dhumateng manungsa, 

    manggiha gesang mulya nunggil Ian Sang Rama.

Read More

KPK 211.

PAMUJINE MARYAM

1. Nyawa lan atiku bungah nglu-hurken mring Allah.

    dak pujekna kidung girang wit gunging kadarman,

    de Allah wus ngudaneni asoring kang abdi,

    lah panganggepe pra bangsa aku wong kang begja.

2. Gung luhur pakaryanipun wah asmanya suci,

    sih rahmatnya run tumurun mring tyang ajrih asih, 

    pangwasa nggih kamulyannya binabarken nyata, 

    wit pakaryaning astanya nylametkan manungsa.

3. Wong kang seneng nggunggung dhiri tan bakal lestari, 

    dalah wong kang mengku kwasa tan langgeng rehira, 

    wit samya tinundhung kesah krana bramantyanya, 

    nging wong asor samya bingah linuhurken nulya.

4. Wong kang mursid ingeroban salir kang prayoga,

    nging wong mursal tan keduman sihing Kang Makwasa, 

    pra abdine kaluberan sih rahmat tan kendhat, 

    wit prasetyane kang adya mring wong kang pracaya.

Read More

KPK 212.

PAMUJINING ZAKARIA

1. Pinuji Allah Makwasa

    Gustine tyang kang pracaya

    De umate tinuwenan

    Pinaringan pangentasan.

2. Sunguning tentrem raharja

    wus tuwuh wit Sang Pamarta

    pinaringken mring umatnya

    mring trahe tyang mursid nyata

3. Allah ngluwari umatnya

    sing tyang remen ing duraka

    wah netepi prasetyannya

    sung nugraha mring manungsa

4. Pinuji Allah murbeng rat

    nggih kang nglubema sih rahmat

    temah tyang pracaya yekti

    angabekti tanpa wedi

5. Tyang mursid nggih sru memuji

    nggunggungnggurqgmg mring Hyang Widi

    aneng sajroning kasucen

    wah ngugemi ing kayekten

6. Turune tyang mursid yekti

    dinuta mrih dadya nabi

    yeku cecalaning Gusti

    ngundhangken margi basuki

7. Margining rahayu yekti

    mung sih rahmatipun Gusti

    nggih pangapuraning dosa '

    wit kwasananing Sang Pamarta

8. Sang Surya Enjing wus prapta

    madhangi sagung manungsa 

    mrih tyang kang aneng pepeteng

    samya manggih gesang langgeng

Read More

KPK 213.

 PUJI KONJUK GUSTI

1. Puji konjuk Gusti ratuning swargi

    Kang angesorken srira myang manjalma,

    miyos wah sugengnya tansah nandhang sangsara,

    mrih mulyakken jalma luwar saking dosa

    Haleluya.

2. Puji konjuk Gusti Juru Basuki,

    pra bala tantra swargi ramya muji,

    wah sih rahmating Allah tumrah mring manungsa,

    nggih tentrem rahayu binabar ing donya.

    Haleluya.

3. Puji konjuk Gusti nggih Sang Pamarta,

    kang gung sih Ian piwlasnya mring manungsa,

    yogya sinaosan pisungsunging kamu!yan,

    yeku bandha nyawa pisungsunging gesang.

    Haleluya.

Read More

KPK 214.

TIMBALAN NULAD GUSTI

1. Pinuji tansah Allah Mamirah  

    kang asih darma mring gung manungsa

    nladhani kita welas asih nyata 

    mring tyang kang ringkih wah nandhang sangsara.

2. Pinuji-puji Gusti Ma Suci

    nging sung aksama dosaning jalma 

    nladhani kita tansah olah tresna 

    nyegah kekerasan remen ngapura.

3. Pinuji Gusti Kang Maha Kwasa 

    tendhak manjalma nebus manungsa 

    nladhani kita mbelani pepadha

    mrih tyang papa cintaka manggih rarja.

Read More

KPK 215.

CAHYENG ENDAH

1. Iba endah cahyeng ratri kang nyu-nari jagad rat

    duk praduta swarga prapti ngundhangaken sih rahmat

    raharja prajalma kang sinungan kawaluyan

    lantaran Sang Pamarta lantaran Sang Pamarta.

2. Puji konjuk Hyang Matresna kang melasi manungsa

    nglepataken sing bebendu asung tentrem rahayu

    manungsa sayogya ndherek muji Hyang Masuci

    langgeng ing salaminya langgeng ing salaminya.

Read More

KPK 216.

KANCA AGIYAKA

1. Kanca agiyaka muji Sang Pamarta kang nilar kamulyan ing swarga

    tedhak ing donya dados bayi papa

Reff :

payo sujud ngabekti, payo sujud ngabekti 

sung pisungsung panggunggung mring Gusti.

2. Kanca den tampia rawuhing Pamarta jroning manah srana pracaya,

    mrih rukun tansah klayan Allah Rama.

Reff :

payo sujud ngabekti, payo sujud ngabekti 

sung pisungsung panggunggung mring Gusti.

3. Kanca agiranga ngundhangken Injilnya, de Allah netepi prasetya,

    ngentas manungsa sing kwasaning dosa.

Reff :

payo sujud ngabekti, payo sujud ngabekti 

sung pisungsung panggunggung mring Gusti.

Read More

KPK 217.

LINTANG ENDAH

1. Lintang endah nyaritakna rawuhing  ratu swarga

    sagunging pra manungsa gya sowan asung sembah nyata

    ratu swarga Maha mulya ngesorken sarira 

    karsa nebus manungsa

2. Lintang adi sung pawarti wiyosing bayi suci

    tyang ngantya Sang pamarta dienggal ngabekti memuja 

    bayi suci yeku Gusti ngasta tentrem rarja 

    sinungken mring manungsa

3. Lintang mulya sru martosna juru slamet wus prapta 

    tyang remen kautaman ngaturna pisungsung pethingan 

    Sang Pamarta Maha tresna nuntun tyang pracaya 

    mlebet mring Kraton Swarga.

Read More

KPK 218.

YESUS KRISTUS RAWUH

1. Haleluya Yesus Kristus ngrawuhi manungsa

    padhanging kamulyanipun kawuryan neng donya

2. Haleluya rawuhipun wit sih piwlasipun

    mring para umat sadarum amrih gesangipun.

3. Haleluya Yesus Kristus dados Juru Slamet, 

    panutan kang setya tuhu tuwin ratu langgeng.

4. Haleluya, Haleluya Putranipun Allah 

    sampun miyos ing Betlekhem pinujia tansah

Read More

KPK 219.

WARTA KABEGJAN

1. Pra pangon kang winartan agung begja sing swarga sami kaeraman 

    saestu bingah ing manah de nyata wartanya Kristus sampun prapta.

2. Gumeter wit padhang mulya sakala sumunar, ing dalu punika,

    nelakken tedhaking padhang sing swarga mring donya, jer Kristus wus prapta.

3. Gya bidhal mundhi dhawuhnya sanyata ing kandhang, Sang Timur pinanggya,

    sawusnya sungkem ngabekti mring Allah memuji. wit Kristus wus prapti

4. Pra pangon sigra wewarta salir kang winartan, sami kaeraman,

    wit kebabaring kabegjan mring )agad warata, de Kristus wus prapta.

Read More

KPK 220.

DALU SUCI

1. Dalu suci tidhem sami, Jeng Gusti Pamarta 

    tedhak manjalma krana kita miyos wonten kandhang Betlekhem

    Gustining dumadi Gustining dumadi.

2. Dalu suci, tidhem sami, Jeng Gusti Pamarta, 

    nilar kamulyannya ing swarga wit tresnanipun mring manungsa 

    nladhani mring kita, nladhani mring kita.

3. Dalu suci, tidhem sami, Jeng Gusti maringi, 

    katentreman ing jagad raya ngrukunken manungsa sadaya 

    mila linuhuma, mila linuhurna.

4. Dalu suci, tidhem sami, Jeng Gusti Pamarta, 

    nucekaken tyang dosa sami wah. maringken gesang sejati 

    mila kaluhurna, mila kaluhurna.

Read More

KPK 221.

RAWUHING RATU TENTREM RAHARJA

1. Pra manungsa giranga mujia pra mudita

    ratu nira wus prapta ratu ning tentrem raharja

    pra manungsa giranga mujia pramudita

2. Gya ngidungna gung puji mring Gustining pra gusti

    kang sung slamet mring jagad karana gunging sih rahmat 

    pra manungsa giranga mujia pramudita.

3. Gya ngluhurna Sang Mesih ratu swargi Maasih 

    nyirnakaken sangsara srana ngrembat sagung dosa, 

    pra manungsa giranga mujia pramudita.

Read More

KPK 222.

RAWUHING RATU SEJATI

1. Ratu mulya nging ngesorken srira krana karsa nylametken tyang dosa

    nandhang papa wiwit wiyosira suket alum nggedhong Kang Sinuhun

    pamakanan papan sarenipun langit bumi sung sembah pamuji.

2. Ratu yekti ratu saking swargi tedhak donya jumeneng Pantara 

    angrukuna Allah Ian manungsa pra mlaekat ngidung nggunggung Allah

    de sih rahmat tumraha sumrambah karaharjan mring tyang sinarjonan.

3. Ratu suci ratu welas asih lintang adi surem krana sedhih 

    njerit nangis krana pokal wengis para bayi ing Betlekhem nagri 

    den pejahi dening iblis nraka jagad sepi wit sungkaweng driya.

4. Ratu nyata ngasta tentrem rarja mbirat dosa nyirnakken antaka 

    tyang mersudi kautamen yekti sowan Gusti asung sembah bekti 

    wah ngaturna pisungsung mirunggan tyang pracaya misungsungna gesang.

Read More

KPK 223.

 ALLAH ASIH MARANG JAGAD

1. Kapireng swara gumyak ngumandhang saking swarga

    paring wartos kabingahan tumrah mring pra manungsa

    sestu AIlah tresna ngantos ngutus Putranya

    maringken tentrem rahayu mring para wong pracaya

Reff :

Rungokna swaranya paring wartos basuki

Rungokna swaranya Pangeran asih mring jalmi.

2. Putreng Allah wus prepti dados Panebus yekti,

    pra pangon kang winartosan bingah gya angupadi, 

    dununging Sang Bayi kadya wartos sing Gusti, 

    lumantar bala swarga lah yekti Allah tresna.

Reff :

Rungokna swaranya paring wartos basuki

Rungokna swaranya Pangeran asih mring jalmi.

3. Pra pangon kang wus manggya bayi yeku Sang Putra, 

    memuji miwah wewarta mring sakehing manungsa, 

    lah aja semaya marek mring Sang Pamarta, 

    mrih antuk gesang sejati tetunggilan Ian Gusti.

Reff :

Rungokna swaranya paring wartos basuki

Rungokna swaranya Pangeran asih mring jalmi.

Read More

KPK 224.

 ADINING DINTEN NATAL

1. Dinten natal dinten adi wiyosing Sang Kristus Gusti

    sumangga sumyak memuji sung pisungsung trusing ati

    wah ngundhangken sih rahmatnya sarana tumindak nyata.

2. Dinten natal dinten suci dinten kabingahan yekti 

    nglipura tyang nandhang susah ngiyatna tyang semplah lesah 

    tyang kang gesang ing pepeteng den tedahna gesang langgeng.

3. Dinten natal dinten mulya dinten karaharjan nyata 

    mbelanana tyang sangsara mitulungi tyang kang papa 

    ngrukunna tyang samya dredah numrahna berkahing Allah.

Read More

KPK 225.

KANG PINILIH ING RAWUHE GUSTI

1. Betlehem ing Efrata saestu prasaja

    nging pinilih ing Gusti dadya negri adi

    dene neng kandhang kewannya miyosing Sang Pamarta

    Allah sung waluya tan mawang manungsa.

2. Pra pangon tyang kang ringkih, asor, melas asih 

    winartanan mlaekat margining sih rahmat

    de kang sinungan waluya mung kang rumaos dosa 

    Allah Maha Asih mbelani tyang ringkih.

3. Pra pandhita sing wetan tyang remen kraharjan

    winedharan wewadi Gustining pra gusti

    samukawis kang neng jagad nggih ngundhangken sih rahmat 

    tyang kang maspadakna manggih tentrem rarja.

Read More

KPK 226.

KAMULYAKNA

Kamulyakna Hyang Maagung ing suwarga ing suwarga ing suwarga

tentrem rahayu ana ing bumi ing manungsa kang sinarjonan

kluhurna Allah neng swarga kluhurna Allah neng swarga

tentrem rahayu ana ing bumi tentrem rahayu ana ing bumi 

ing manungsa ing manungsa kang sinarjonan 

ing manungsa kang sinarjonan kang sinarjonan

pinujia pinundhia Hyang Ma agung ing suwarga lan ing bumi

tentrem rahayu ana ing bumi ing manungsa kang sinarjonan

amin, amin.

Read More

KPK 227.

SANG PEPADHANG SEJATI

1. Sang pepadhang sejati samangkya wus prapti

    nyirnakna rehing pati mrih jalma basuki.

2. Sang pepadhang sayekti wus rawuh ing bumi 

    mbirat kwasaning dosa sung tentrem raharja.

3. Sang pepadhang sanyata manjalma manungsa 

    ngasoraken pepeteng sung gesang kang langgeng.

4. Sang pepadhanging jagad rawuh sung sih rahmat 

    mrih tyang pracaya pasrah dadya putreng Allah.

5. Sang pepadhang satuhu rawuh jroning kalbu 

    nenuntun tyang pracaya nulad Sang Pamarta.

Read More

KPK 228.

SANG RATUNING KATENTREMAN

1. Bangsa kang mlampah neng pepeteng sumerep  pepadhang langgeng

    samya ngidungken kabingahan lir kraharjan ing panenan

    de pasangan saha rembatan nggih panindhes kasangsaran

    saestu sampun kasirnakna wit Sang Pamarta wus prapta.

2. Wus miyos Sang Bayi kang suci yeku ratu adil yekti

    asmane sestu maha kwasa penasehat elok nyata

    nggih Gusti Allah kang prakosa Rama kang langgeng slamanya 

    ratunipun tentrem raharja yogya tansah den pepuja.

Read More

KPK 229.

LINUHURNA

1. Gya Iinuhurna Gusti Pamarta karsa rawuh ing donya

    Jagad bilai Kristus ngrawuhi swawi sami den pepuja

    rawuhe Gusti datan ngadiIi malah ngluwari tyang dosa

2. Gya linuhurna Gusti Pamarta karsa mlasi manungsa,

    jagad bilai Gusti ngrawuhi karsa nucekken tyang dosa, 

    dyan memujia saha mulyakna asmanipun Hyang Makwasa.

3. Gya linuhurna Gusti Pamarta ingkang karsa manjalma 

    jagad bilai Gusti ngrawuhi karsa ngentas tiyang dosa, 

    para pracaya sami tresnaa mring Gusti wah mring sesami

Read More

KPK 230.

KABINGAHAN INGKANG SEJATI

1. Kabingahan kang sejati ing riyadi natal niki

    pasamuwan regeng yekti sesarengan angabekti

    memuja, misungsung, ngaken dosa lan nyenyuwun

    bingah bingah trusing manah sung kabegjan dhateng liyan

    numrahna ! raharja wit wus prapta Sang Pamarta

2. Kabingahan kang sejati ing riyadi natal niki

    brayat sami tetunggilan wah ngabekti sesarengan 

    ngundhangna Injilnya mrih salir tyang gesang nyata 

    ngluwarana tyang sangsara wah mbelani tyang prih ati 

    mrih samya rahayu wit Sang Kristus sampun rawuh

3. Kabingahan kang sejati ing riyadi natal niki

    pepanggihan Ian pra mitra sesarengan aneng greja 

    memuji mring Gusti wah leladi mring sesami

    angrukunna tyang congkrahan wah nyirnakna kamitegan 

    ngegungna sih tresna Kristus Gusti sampun prapti

Read More

KPK 231.

KAELOKAN SAYEKTI

1. Kaelokan sayekti Allah ngesorken dhiri dadya manungsa 

    papa miyos neng kandhang nistha nladhani sagung manungsa 

    welas asih tresna nyata ngapunten sagung lepat dosa 

    sayogya memuja Allah asih manungsa.

2. Mukjijad kang sejati Allah manjalma yekti 

    tanpa sipat bendara nging ngladosi pepadha 

    nladhani sagung manungsa labuh labet trus ing driya 

    ngarah gesang tentrem raharja 

    sayogya sudara ngegungna asih tresna.

3 Pangeram-eram nyata Allah dadya manungsa 

    ngrentahken sih rahmatnya mrih manungsa waluya 

    nladhani sagung manungsa mbelani tyang ringkih papa 

    nyirnakna panandhang sangsara 

    sayogya pra kanca mbabama tresna nyata

Read More

KPK 232.

KIDUNG DINTEN NATAL

1. Swawi kanca sumyak sung puja ing dinten adya punika

    Sang Pamarta mangkya manjalma miyos dados bayi papa

    wit gung sihnya mring manungsa karsa nylamet ken gung tyang dosa

2. Swawi kanca asung panggunggung aneng dinten natal agung 

    Allah wus ngluberken sih rahmat mring tyang dosa nggih mratobat 

    sagunging tyang pracaya pasrah dinadosken pra putrng Allah

3. Swawi kanca ngulukken puji ing dinten suci puniki

    Allah nebus jalma sing pati mrih sinungan gesang yekti

    Tansah dadya lantaran berkah tentrem rarja sumrambah tumrah 

4. Swawi kanca ngaturken sembah aneng dinten natal endah 

    Allah ngruwat jalma sing dosa sinucekken gesangira 

    mrih dadosa seksi sembada Kratoning Allah tedhak donya.

Read More

KPK 233.

PANYUWUN MRING GUSTI ING DINTEN NATAL

1. Dhuh Gusti Sang Pantara kawula nglenggana

    kadya Zakharia bapa tan manteb pracaya

    mugi ing natal niki Gusti sung aksami.

2. Dhuh Sang Pamarta Gusti kawula ngakeni 

    kadya Herodhes raja watek kamitega 

    mugi ing natal dinten Gusti angapunten

3. Dhuh Gusti Yesus Kristus nggih adrenging manah 

    saged lir Maryam Yusup sumarah mring Allah 

    mugi natal kang adya nuwuhna pracaya.

4. Dhuh Yesus Kristus Gusti kula ngimpi-impi 

    saged lir pra pandhita sung pisungsung adya 

    mugi natal punika mbereg manah loma.

5. Dhuh Putreng Allah Yekti panyuwun kawula 

    tansah sareng mlaekat memuji tan kendhat 

    natal niki ndadosna mindhak ajrih tresna.

6. Dhuh Gusti Putreng Allah niyat kula tansah 

    lir pangen ing Yudea nekseni Pamarta 

    mugi natal puniki nyantosakken ati.

Read More